Nıý-Iorktiń shyǵys okrýgi boıynsha prokýratýranyń habarlaýynsha, shamamen 10 kúdikti quny 50 mıllıon dollardan asatyn (shamamen 21 mıllıard teńge) elektrondy quraldardy zańsyz áketken dep aıyptalýda.
Apple ónimderi negizinen AQSh-tan tasymaldanǵan. Qurylǵylardy tasymaldaý úshin kúdiktiler kýrerler qoldandy, olardyń kópshiligi "Aeroflottyń" burynǵy jáne qazirgi qyzmetkerleri.
AQSh bıliginiń habarlaýynsha, kúdiktilerdiń biri - AQSh-ta turatyn Qazaqstan azamaty, ekinshisi - Reseıdiń azamaty, onymen AQSh-tyń ózara ustap berý týraly kelisimderi joq. Osy sebepti qadaǵalaý organy sýdıadan aıyptalýshylardyń qashyp ketýine baılanysty sottalýshylardy uzaq ýaqyt ustaýdy surady. AQSh ádilet mınıstrliginiń saıtynda jarııalanǵan petısııada qamaýdan bosatylǵan jaǵdaıda aıyptalýshynyń Reseıge, О́zbekstanǵa nemese Qazaqstanǵa qashyp ketýi múmkin ekendigi aıtylǵan.
