Aımaqtar • 20 Qazan, 2020

Aqtóbede karantındik stasıonarlar qaıta ashyldy

285 ret kórsetildi

Aqtóbe qalasynda ótken táýlikte koronavırýspen aýyrǵan bir naýqas tirkeldi, dep habarlaıdy Egemen.kz

70 jastaǵy qala turǵyny tórt kún boıy úıinde aýyryp, sodan keıin ǵana  dárigerlik kómekke júgingende, alynǵan PSR test oń nátıje kórsetken. Naýqas dereý oblystyq juqpaly aýrýlar aýrýhanasyna jatqyzylyp, onymen tyǵyz baılanysta bolǵandar túgeldeı oqshaýlandy.

6 qazannan bastap, oblys aýmaǵynda úsh karantındik stasıonar qaıtadan ashyldy. Bireýi – Aqtóbe qalasynda, eki stasıonar Mártók aýdanynyń ortalyǵy – Mártók  jáne Qarǵaly aýdanynyń ortalyǵy – Badamsha eldimekenderinde   ashyldy.  Qazirgi ýaqytta Mártók aýdandyq aýrýhanasynda koronavırýs juqtyrǵan 3 naýqas em qabyldap jatsa, 14 naýqas oblystyq juqpaly aýrýlar aýrýhanasynda jatyr. Eki naýqastyń jaǵdaıy aýyr. Ázirge oblys aýmaǵynda mektep  oqýshylary arasynda osy indetti juqtyrǵandar tirkelgen joq.

Reseı Federasııasynda koronavırýs indetiniń taralý qaýpi kún sanap kúsheıip bara jatqandyqtan, Orynbor oblysymen shekaralas Mártók aýdanyndaǵy Jaısań jáne Qarǵaly aýdanyndaǵy Álimbet ótkizý beketterinde baqylaý kúsheıtildi.

Qazirgi kezde oblys aýmaǵynda  karantın erejesiniń saqtalýyn qadaǵalaıtyn  37 mobıldi top jumys isteıdi. Olar osy kezge deıin 1282 zańbuzýshylyqty anyqtap, 92 mıllıon 300 myń teńgege 727 aıyppul salǵan. Soǵan qaramastan jurtshylyq toı-dýmandy azaıtatyn túri joq.  Ásirese, aýdan-aýyldarda jurt burynǵysynsha qamsyz júr.  Qobda, Oıyl, Qarǵaly, Alǵa aýdandarynda  mobıldi toptardyń jumysy óte álsiz. 

Sondyqtan da  aldaǵy aptadan bastap quramyna oblystyq, qalalyq, aýdandyq máslıhattar depýtattary, qoǵam belsendileri kirgen mobıldi toptardyń  jumysy kúsheıtilip, karantın talaptary buzylǵan derekter  turaqty túrde  aqparat quraldary men áleýmettik jelilerde jarııalanatyn boldy.

 

Sońǵy jańalyqtar

Suıytylǵan gaz baǵasy óspeıdi

Qoǵam • Búgin, 18:21

Aldaǵy kúnderi aýa raıy qandaı bolady

Aýa raıy • Búgin, 18:00

Dollar arzandady

Qarjy • Búgin, 16:22

Shymkentte de LRT salynýy múmkin

Aımaqtar • Búgin, 12:50

Uqsas jańalyqtar