Pavlodar oblysynda jańa týǵan nárestesin tastap qashqan kókek ana izdestirilip jatyr. Ol balasyn ózge bireýdiń qol arbasyna qaldyryp, qashyp ketken bolyp shyqty.
Pavlodar oblysynda jańa týǵan nárestesin tastap qashqan kókek ana izdestirilip jatyr. Ol balasyn ózge bireýdiń qol arbasyna qaldyryp, qashyp ketken bolyp shyqty.
Quqyq qorǵaý organdarynyń qyzmetkerleri qazir jedel izdestirý jumystary ústinde yqtımal qashqyn ananyń kim ekenin boljap otyr. Aldyn ala aqparattarǵa qaraǵanda, ol munda Balqash qalasynan kelgen 22 jasar jas ana sııaqty. Qolda bar málimetter onyń eki aılyq sábıimen Ekibastuzdaǵy aýrýhanaǵa jatqanyn, óz sábıin basqa bala jatqan beıtanys adamnyń qol arbasyna tastap, qashyp ketkenin aıǵaqtaıdy.
Muny birinshi bolyp aýlada qydyrystap júrgen naýqastar baıqaıdy. Olar sol boıda sábıdiń anasyn izdestirip, shý kóteredi. Biraq kelmeýge bekingen boıjetken qarasyn kórsetpeı ketedi.
Dárigerlerdiń aıtýynsha, náresteniń jaǵdaıy qazir jaqsy. Al tártip saqshylary balasynan bezgen kelinshekti izdestirip jatyr. «Qazir onyń kim ekeni belgili boldy. Endi qazirgi turǵylyqty jeri anyqtalýda. Taıaý arada jas kelinshekti analyq quqyǵynan aıyrý máselesi sheshiledi», – deıdi Ekibastuz qalasy ishki ister basqarmasynyń ınspektory Aıgúl Ábisheva.
Murat AITQOJA.
