"Sársenbi kúni respýblıkanyń soltústik, ońtústik-batys jáne batys aımaqtarynda atmosferalyq aǵyndardyń ótýine baılanysty túnde jáne kúndiz jańbyr jaýady. Qalǵan óńirlerde antısıklonnyń yqpalymen kún raıy ashyq bolady. Keı jerlerde jel kúsheıip, batys, soltústik-batys jáne shyǵys aımaqtarda tuman, batys jáne soltústik-batys aımaqtarda túnde jáne tańerteń kóktaıǵaq bolýy múmkin", delingen baspasóz habarlamasynda.
Atap aıtqanda, Atyraý oblysynyń túnde keı jerlerinde, kúndiz basym bóliginde, Batys Qazaqstan oblysynyń kúndiz basym bóliginde jel 15-20 m/s kúsheıedi.
Batys Qazaqstan oblysynyń keı jerlerinde túnde jáne tańerteń tuman túsip, kóktaıǵaq bolady.
Jambyl oblysynyń keı aýmaǵynda jel 15-20 m/s kúsheıedi, ekpini 23-28 m/s jetedi.
Qostanaı oblysynyń keı jerlerinde jel kúsheıip 15-20 m/s jetedi, tuman túsedi, túnde jáne tańerteń kóktaıǵaq bolýy yqtımal.
Shyǵys Qazaqstan oblysynyń keı jerlerinde jel 15-20 m/s kúsheıip, túnde jáne tańerteń tuman túsedi.
Aqmola, Túrkistan, Qyzylorda, Mańǵystaý, Soltústik Qazaqstan, Qaraǵandy oblystarynyń keı jerlerinde kúndiz jel 15-20 m/s deıin kúsheıedi.
Aqtóbe oblysynyń keı jerlerinde kúndiz jel 15 m/s kúsheıedi.
Almaty oblysynyń Jalańashkól aýdanynda jeldiń jyldamdyǵy 18-23 m/s jetedi. Almaty oblysynyń keı jerlerinde túnde mınýs 1 gradýs sýyq bolady.
