"Oblysymyzdyń mádenı-rýhanı damýyna óz úlesińizdi qosyp, teatr ónerin damytýǵa úles qosyp kelesiz. Sizderdiń tájirıbeńiz ben aqyl-keńesterińiz qazirgi jastar úshin asa qajet. Oblystyq teatr ujymy ózińizdiń jetekshiligińizben respýblıkalyq festıvaldardan ózge Qazan qalasy men Túrkııanyń Konıa qalasynda jáne Ulybrıtanııada, Shotlandııada ótken halyqaralyq teatrlar festıvaline qatysyp, júldeli oryndardy ıelendi",-dedi oblys ákimi Gúlshara Ábdiqalyqova.
Táýelsiz Qazaqstannyń teatr salasynyń damýyna súbeli úles qosqan Huseıin Ámir-Temir 1965 jyly Qurmanǵazy atyndaǵy memlekettik óner ınstıtýtyn "Akter" mamandyǵy boıynsha, 1972 jyly Máskeý qalasyndaǵy Lýnacharskıı atyndaǵy teatr óneri ınstıtýtynyń joǵarǵy rejısserlar kýrsyn bitirgen. О́z shyǵarmashylyq eńbek jolynda Qyzylorda, Taldyqorǵan, Almaty, Shymkent, Oral teatrlarynda jumys istep, 200-den asa spektakldi sahnalady.
Kezdesý barysynda oblys ákimi óner ıesine "Qurmet" gramotasyn tabystap, ıyǵyna shapan japty.
Teatr qaıratkeriniń qurmetine arnalǵan kezdesýde Qazaqstan Jazýshylar Odaǵynyń múshesi Saılaýbaı Jubatyruly Huseıin Ámir-Temirdiń óner álemindegi qoltańbasyn sóz etti. Kezdesý sońynda Huseıin Ámir-Temir oblys ákimine alǵysyn bildirip, shyǵarmashylyq týyndylary jınaqtalǵan birneshe kitaptaryn syıǵa tartty.
