Áýelgide alqapta órtenip ólgen qoılardyń sany 700-ge jýyq degen habar taraǵan. Tipti jalyndy ádeıi qoıǵan degen de sybys estilip qalǵan edi. Biraq, "Túgisken" JShS mamandary muny joqqa shyǵaryp otyr. Olardyń aıtýynsha alqapqa súdiger jyrtý úshin ot qoıylǵan. Alaıda aıaq astynan jel kóterilip, jalyn ál bermeı ketipti. Oqıǵaǵa baılanysty tıisti oryndar ókilderi brıfıng ótkizip, oqıǵanyń jaı-japsaryn baıandady.
– Oqıǵa 21 qazan kúni 17:50 shamasynda bastalǵan. Bizge habarlama aýdandyq ishki ister qyzmetiniń kezekshiliginen tústi. О́rt sóndirýge 19 qyzmetker, 5 tehnıka jumyldyrylyp, jalyn úsh saǵatta óshirildi. Basqa jaǵdaılar saraptama qorytyndysy shyqqannan keıin belgili bolady, - dedi oblystyq TJD bastyǵynyń orynbasary Rýslan Qaıraqbaev.
Oblystyq aýyl sharýashylyǵy basqarmasy basshysynyń orynbasary Qaıratbek Sársenbaev órtengen qoılardyń túgel kómilgenin aıtady. Kúıik shalǵany 685 bolyp otyr. Olardyń qanshasy tiri qalatyny ázirge belgisiz. Al ótemaqy tóleý komıssııa qorytyndysynan keıin belgili bolady.
