Aımaqtar • 23 Qazan, 2020

Qyzylorda oblysynyń ákimi "Eksklıýzıv" baǵdarlamasyna suhbat berdi

78 ret kórsetildi

Qyzylorda oblysynyń ákimi Gúlshara Ábdiqalyqova Atameken Business telearnasyndaǵy "Eksklıýzıv" baǵdarlamasyna suhbat berdi. Aımaq basshysy men arna tilshisi Rýslan Idrısovtiń arasyndaǵy áńgimede oblysta atqarylyp jatqan jumystar men alda sheshimin kútken máseleler jaıly aıtyldy, dep habarlaıdy Egemen.kz

Gúlshara Naýshaqyzy arna kórermenderine óńirdegi shaǵyn jáne orta bıznestiń damýy, osyǵan deıin negizgi sala sanalyp kelgen munaı óndirisiniń toqyraýyna baılanysty jetekshi salany qalyptastyrý baǵytyndaǵy joba-josparlar, qarapaıym zattar ekonomıkasy baǵytyndaǵy bastamalar jaıly aıtyp berdi.  

Bıylǵy pandemııa óńirler ekonomıkasyn tejep qana qoımaı, jańa múmkindikterdiń de kózin ashty. Alys-beris, barys-kelis azaıǵan karantındik shekteýler kezinde óńirge  syrttan keletin ónimderge taldaý jasaldy. Sonymen qatar, oblystyń ózge aımaqtarǵa ótkize alatyn taýarlary saralandy. Bul jumysqa jergilikti ýnıversıtet ǵalymdary, ekonomıster jumyldyryldy. Osydan keıin syrttan keletin ónimderdi ózimizde óndirýdiń jobasy jasaldy. Bul úshin arnaıy jol kartasy ázirlenip, túrli baǵdarlamalar arqyly jergilikti óndiristi arttyrý qolǵa alyndy. Bıznestiń jol kartasy, qarapaıym zattar ekonomıkasy arqyly bızneske qaıtarymdy negizde qoldaý kórsete alatyn aımaqtyq ınvestısııalyq qordyń jumysy keńeıdi. Taǵy bir baǵyt – ınvestısııa tartý arqyly shaǵyn sheberhanalar, fabrıkalar, túrli jobalar qurý qajet. Osy maqsatta iri kásipkerlerdi tarta otyryp,  265 joba jasaldy.

Oblys ákimi osynyń barlyǵyna 271 mlrd teńge ınvestısııa tartý qajettigin atap ótti.  

Arnaǵa bergen suhbatynda óńir basshysy pandemııa kezinde oblysta óndiristik qurylymdar toqtamaǵandyǵyn jetkizdi. Munaı salasynda qıyn kezeńge qaramastan jumysshylar jumystan bosatylmady, jalaqylary saqtaldy. Munaı sektorynda 5 myńnan astam adam jumys isteıdi. Shaǵyn jáne orta bızneste, basqa jerdegideı belgili bir qıyndyqtar bar. Mysaly, oblysta 128 meıramhana, kafe, pandemııaǵa deıin jaqsy tabys taýyp kelse, qazir qıyndyqta tur.  Sondyqtan, qazir olarmen jumys istep, bıznes baǵyttaryn ózgertýge kúsh salynyp jatyr. Qazirdiń ózinde 10 meıramhana óz baǵyttaryn ózgertti. Olardyń barlyǵy jeke medısınalyq ortalyqtarǵa aınaldy. Osynyń arqasynda jazda emdeý mekemelerinde tósek oryndar jetkilikti deńgeıde boldy.  

 Suhbatta aımaqta salynyp jatqan jańa modýldik aýrýhana jaıly da aıtyldy. Ozyq tehnologııamen, qajetti zamanaýı jabdyqtarmen qamtamasyz etilgen aýrýhana qurylysy qarasha aıynda aıaqtalady. О́ńirde aýrýhanalardy medısınalyq qondyrǵylarmen qamtamasyz etý udaıy nazarda tur. Mysaly, naýryz aıynda ókpege ottegi beretin  nebári 64 apparat boldy. Qazirgi sany - 244. Sonymen qatar, ol indet bilingen tusta óńirde ottegi konsentratorlary bolǵan joq. Qazir rezervte 655 konsentrator bar.  

Aımaq basshysynyń arna tilshisine bergen suhbatynda aýylsharýashylyǵy, egisti ártaraptandyrý, Syrdarııa ózeni arnasynyń tartylýy, bilim, qashyqtan oqý, vırýstyń ekinshi tolqynyna daıyndyq, qala qurylysy, týrızm jaıly keńinen aıtyldy. 

 

       

       

       

       

 

 

       

 

     

     

     

Sońǵy jańalyqtar

«Qyzyl» aımaqta 2 megapolıs pen 4 oblys tur

Koronavırýs • Búgin, 11:20

Taǵy 1677 adamnan koronavırýs anyqtaldy

Koronavırýs • Búgin, 09:40

Qazaqstanda qansha adam vaksına saldyrdy?

Koronavırýs • Búgin, 09:00

9 sý qoımasy salynady

Ekologııa • Keshe

QHL: «Barys» «Lokomotıvten» jeńildi

Hokkeı • 22 Qazan, 2021

Bekire balyǵyn zańsyz aýlaǵandar ustaldy

Ekologııa • 22 Qazan, 2021

Belarýste maska rejımi joıyldy

Álem • 22 Qazan, 2021

Uqsas jańalyqtar