Saýda jáne ıntegrasııa mınıstri aıyp ótkendeı, Eýrazııalyq ekonomıkalyq odaq jáne Ortalyq Azııa óńiri elderiniń balamaly júıelerin ıntegrasııalaı otyryp, ulttyq taýar ótkizý júıesin qurý – Memleket basshysynyń mańyzdy tapsyrmasy bolyp tabylady.
"Qazaqstanda UTJ 24 kóterme-taratý ortalyǵyntan turatyn bolady, olar fermerlik ónimdi saqtaý jáne qaıta taratý boıynsha kórsetiletin qyzmetterdiń tolyq keshenin kórsetýge baǵyttalady. Mundaı ortalyqtardy qurý shıkizatty satyp alý, ónimdi óndirý jáne ótkizý kezinde jeke qosalqy sharýashylyqtardy qosa alǵanda, kóptegen sharýashylyqtardyń kúsh-jigerin shoǵyrlandyrýǵa múmkindik beredi. Bir mezgilde barlyq aýyl sharýashylyq óndirýshilerin kepildi taýar ótkizilimimen jáne kiris ósimimen qamtamasyz etedi. Joba praktıka júzinde iske asyrý satysyna shyǵýda. Qazannyń basynda alǵashqy 7 kóterme-taratý ortalyǵynyń qurylysyna múddeli bıznes-konsorsıým kompanııalar jeke qarjy bastamasymen mınıstrlikke ótinish bildirdi. Qazir olarmen jumystar júrgizilýde", - dedi Baqyt Sultanov.
Spıker atap ótkendeı, atalǵan 7 obekti Pavlodar oblysynyń Mıchýrıno aýyly men Aqsý qalasynda, Almaty oblysynyń Qapshaǵaı qalasynda, Jambyl oblysynyń Shý qalasynda, sondaı-aq Nur-Sultan, Shymkent jáne Almaty qalalarynda ornalasatyn bolady.
"Taýar ótkizý júıesiniń fýnksıonaldyq múmkindigi qazaqstandyqtyń "sıfrlyq áleýmettik ámııany" bolady. Ony engizýdi pysyqtaý bıylǵy Joldaýda tapsyryldy. Bul bir jaǵynan, azamattarǵa áleýmettik kómekke bólinetin bıýdjettik resýrstardyń nysanaly paıdalanylýyn jáne ekinshi jaǵynan, otandyq taýar óndirýshilerge jasyryn qoldaý túrinde olardy "qaıtarýdy" qadaǵalaý úshin jasalady. Iаǵnı, sıfrlyq ámııan bizdiń bıznes júzege asyratyn áleýmettik mańyzdy taýarlar, jumystar nemese kórsetiletin qyzmetter úshin tólem tóleýge arnalǵan», - dedi mınıstr olardyń ózara baılanysyna mysal keltire otyryp.
"Ulttyq taýar ótkizý júıesiniń mehanızmi – ónimdi satyp alýshyǵa tıimdi jáne tez jetkizý, bylaısha aıtqanda, "alqaptan sórege deıin", sonymen qatar, ony saqtaý. Bul jaǵdaıda tutynýshy alatyn áser – qosymsha jarnamasyz jáne eń jaqsy sapadaǵy ónim. Al áleýmettik kómek alatyn azamattar qolma-qol aqshasyz esep aıyrysýdyń arnaıy júıesi arqyly osy otandyq taýarlardy satyp alyp, aqshany fermerlerge tikeleı jibere alady. Osylaısha, óndirýshi men tutynýshynyń bir-birine degen ózara tıimdi qyzyǵýshylyqtaryn biriktire otyryp, biz UTJ arqyly taýar-aqsha aınalymynyń ózindik bir túrin jabamyz", - dedi Baqyt Sultanov.
Mınıstr jumystardy úılestirý úshin eńbek, sıfrlyq damý jáne qarjy mınıstrlikterimen, Ulttyq bankpen jáne qarjy sektoryndaǵy qoǵamdyq uıymdarmen birlesken jumys toby qurylǵanyn atap ótti.
