Oblys ákiminiń orynbasary Serik Ahmet ashqan semınar sanıtarlyq normalar men talaptardy saqtaı otyryp, 3 seksııa boıynsha ótkizildi. Oǵan qala, aýdan ákimdikteriniń, oblystyq basqarmalar men aımaqtyq departamentterdiń 60-qa jýyq baspasóz hatshylary, ózge de uıymdar men mekemelerdiń PR menedjerleri, BAQ ókilderi qatysty.
"Qyzylorda" telearnasyndaǵy "Úsh taǵan" aqparattyq-saraptama baǵdarlamasynyń júrgizýshisi, "Soros" halyqaralyq qorynyń grant ıegeri Aınur Tuńǵyshbaeva, respýblıkalyq "Ustaz mártebesi" gazeti men "Álimsaq" jýrnalynyń bas redaktory Nurlan Nurmahan, "Sosıým-Qyzylorda" qoǵamdyq qorynyń basshysy, áleýmettik jeliniń belsendi qoldanýshysy Erlan Musaev sharaǵa qatysýshylarmen tájirıbe bólisip, aqparatty jyldam ári sapaly berý baǵytynda baǵaly keńester aıtty.
Shara barysynda foıede "Syr jýrnalıstıkasynyń tarıhy" taqyrybynda kórme uıymdastyryldy.
