Bıznes salasy digital-marketıngke nege muqtaj?

Digital marketıng degen ne?

Sıfrly marketıng bul ár­túr­­li sıfrly taktıkany, qural­dar­dy jáne baılanys arnalaryn qoldana otyryp, áleýetti tuty­nýshylarmen, óz ýaqy­ty­nyń kóp bóligin ınternette ótki­zetin maq­satty aýdıtorııamen baı­la­nysýǵa ar­nal­ǵan marketıngtik is-sharalar jıyn­­tyǵy. Al bul jıyntyq barlyq sa­la­­da aýadaı qajet ekeni de zaman shyn­dyǵy.

Digital marketıng taqyrybyna enetin birqatar taktıka men qu­ral bar. Bul kompanııanyń veb-saıtynyń ózi jáne marketıngtiń sıfrly arnalary, ınternet-jarnama jáne tutynýshylardy satyp alý arnalary – SEO, elektrondy e-mail marketıngi, satylym núktesi, kontent-marketıng, tızer jarnamasy, SMM sııaqty málim de beımálim quraldardan turady.

Ártúrli sıfrly marketıngtik arnalardy qoldanatyn bıznes maq­satty aýdıtorııamen anaǵur­lym tıimdi jáne ýaqtyly ózara áre­kettesý múmkindigine ıe. Sol arqy­ly jańa klıentterdiń sanyn jáne brendke aýdıtorııanyń qy­zy­ǵýshylyǵyn arttyrady. Buǵan baı­lanysty halyq arasynda «zatty qara­pa­ıym adam satsa – taýar, marketıng ja­sasa – top-taýar» degen sóz de jıi aı­tylyp júr.

Izdeý júıesin ońtaılandyrý (SEO)

Bul ınternet marketıngtegi basty qural. Izdeý júıesin ońtaı­landyrý (seo optimization) tulǵa­nyń, saıttyń, kompanııanyń, tipti áleýmettik jelidegi jeke ak­kaýntty izdeý nátıjesinde ti­zimde birinshi turýǵa, joǵary po­zısııa­lar­ǵa ıe bolýǵa kómektesedi. Bul trafıkti arttyrady. Al trafık – suranys pen satylym kólemin arttyrady.

SEO quraldary:

- Veb-saıttar;

- blogtar;

- ınfografıka.

Marketıng kontenti

Bul termın brendtiń tanymal­dy­ly­ǵyn arttyrý, trafıktiń ósýi, maqsatty aýdıtorııamen baı­lanys, jetekshi pozısııalar týdy­rý jáne jańa klıentterdi tartý maqsatynda jasalatyn kon­tent qurýdy jáne ilgeriletýdi bil­dire­di. Kontent-marketıng – ın­ter­nettegi bıznesti alǵa jyl­jy­týdyń eń tıimdi jáne áli baǵalan­baǵan quraldarynyń biri. Insta­gram jelisin asha qalsańyz, «má­tin jazyp baıyp ket» deıtin jarnamashylardyń kóbeıgeni kontent arqyly marketıng jasaýdy úıretemiz degeni.

Kontent-marketıng strategııasyn júzege asyrýǵa arnalǵan arnalar:

- blog jazbalary;

-elektrondy kitaptar men maqa­la­lar;

- podkasttar;

- blogtar;

- ınfografıka;

- onlaın kitapshalar men katalogtar.

Áleýmettik jelidegi marketıng

Áleýmettik jelige barlyǵy­myz tir­kel­­genbiz. Táýliktegi ýaqy­tymyzdyń basym bóligi jeli­de «jasyl belgi» berip otyramyz. Al mamandar osy «paıdasyz» oty­rystan da paıda tabýǵa bola­tynyn aıtady. Marketıngtiń bul túri sizdiń jeke brendińizdi de, bız­nesińizdi de áleýmettik medıada jar­namalaýǵa baǵyttalǵan. Bul – ózgelerdiń sizdiń brend týraly habardar bolý aıasyn arttyrý, trafıkti kóbeıtý jáne je­tekshi pozısııalar jasaý úshin qol­da­nylatyn qural. Túptep kelgende jeli qoldanýshylary óz brendi úshin jumys istep júrgenin ózi baıqamaýy da múmkin. О́ıtkeni kún sa­ıyn jarııalaıtyn sýretti jazbalardyń ózi de durys qoldana bilgenge orasan zor jarnama. Tek shegin umytyp qalmaý mańyzdy.

Áleýmettik medıa marketıng (SMM) paıdalanatyn arnalar:

- Facebook;

- Twitter;

- LinkedIn;

- Instagram;

- Snapchat;

- Pinterest.

- Internet kez kelgen bıznes túriniń ósýi men damýyna sheksiz múmkindikter usynady. Tipti 100% oflaında júrgiziletindeı bolyp kóringen kásiptiń ózin ınternet arqyly jandandyrýǵa bolatynyna kóptegen dálel bar.

Egjeı-tegjeıli saraptama jáne keń aýdıtorııany qamtý múm­kindigi shek­­siz sandyq marketıngtiń jalpy ar­tyq­shylyǵy da osynda. Ártúrli sala­lardaǵy kompanııa­lar muny is jú­zinde dáleldep keledi. Máselen, lafounder.com ba­sylymynyń marketolog maman­dary­nyń aıtýynsha, sıfrly mar­ketıngtiń negizin túsinip, onyń ne ekenin bilip, negizgi sıfr­ly mar­ketıngtik arnalardyń qa­laı ju­mys isteıtinine kóz jetkize otyryp, kez kelgen adamǵa ınternette óz bıznesin tıimdi ilgeriletýge kómektesetin, ózindik brend qalyp­tastyryp, san qyrynan tanyta alatyn strategııa jasaý ońaı.

Olar halyqqa «Osy qu­ral­dardy óz bıznesińizde áli qol­dan­baı­tyn bolsańyz, onda tásil­de­rińiz­di qaıta qaraý týraly oılanyp, dál qazir bastańyz», degen úndeý de tastady.

Mamandar sıfrly televızııa men kóshedegi jarnama baıaǵydaı áser et­peı­tinin, onyń ornyn dıjıtal gad­jet­terdegi san myń marketıngtik amaldar basatynyn, basyp ta qoıǵanyn aıtyp júr.

Dese de, qalada, jyly úıde otyr­ǵan marketologtarǵa aıta salý ońaı shyǵar? Oǵan shalǵaı eldi­meken­der­degi otan­das­tar­dyń ınternetke qol­je­tim­di­li­gi qam­tamasyz etilse deńiz... Áıtpese bári beker-aý?!