Departament bastyǵynyń orynbasary, kapıtan Jasulan Satybaldıevtyń aıtýynsha, maqsat – Memleket basshysynyń Joldaýyn iske asyrý, azamattarǵa memlekettik qyzmetterdi alý kezinde qolaıly jaǵdaı jasaý, sybaılas jemqorlyqtyń aldyn alý. Jobalyq toptyń quramynda departamenttiń áskerı esepke alý, shaqyrý, kadr jumysy jáne qarjy qyzmeti máseleleri jónindegi áskerı qyzmetshileri men azamattyq personal mamandary bar.
Jobalyq keńseniń talabyna sáıkes, kezekshi kelýshini tikeleı qabyldaýdy júzege asyratyn keńse jetekshisine habarlaıdy. Turǵyndar saýalyna jaýap beretin jobalyq toptyń mamandaryn shaqyrady.
"Keńse quramynda negizgi máseleler boıynsha laýazymdyq tulǵalar da bar. Olar óńir turǵyndarynyń áskerı saladaǵy suraqtaryna jedel, ýaqytyly jáne shynaıy jaýap berýge daıyn. Turǵyndar saýalyna oraı naqty sheshimder qabyldanady", deıdi jobalyq keńseniń basshysy, Atyraý oblysynyń qorǵanys isteri jónindegi departamenti bastyǵynyń orynbasary, kapıtan Jasulan Satybaldıev.
