Qazaqstan • 27 Qazan, 2020

Ekojýrnalıstıka salalyq jýrnalısterdi daıarlaý baǵyttarynyń biri bolmaq

17 ret kórsetildi

Aıda Balaeva QR Aqparat jáne qoǵamdyq damý mınıstrligi, ál-Farabı atyndaǵy Qazaq ulttyq ýnıversıteti jáne QR Ekologııa, geologııa jáne tabıǵı resýrstar mınıstrligi arasyndaǵy О́zara túsinistik pen yntymaqtastyq týraly memorandýmǵa qol qoıdy, dep habarlaıdy Egemen.kz.

Memorandýmnyń maqsaty - ekologııa salasynda mamandanǵan salalyq jýrnalısterdi daıarlaý.
Memorandým taraptardyń ekojýrnalısterdi daıarlaý máselesinde yntymaqtastyǵyn kózdeıdi.

Taraptardyń árqaısysy óz quzyreti sheńberinde bolashaq jýrnalısterdiń kásibıligin arttyrýǵa jaǵdaı jasaýǵa nıetti.
Bul rette ekologııa máseleleri qoǵamda óte ózekti jáne keńinen jarııa etilýde ekendigin atap ótken jón.

Tıisinshe osy salada tıimdi aqparattyq túsindirme jumystaryn júrgizýdi qajet etedi.
Memorandým aıasynda birqatar naqty is-sharalar ótkizilmek, onyń ishinde bilim berý baǵdarlamalary jetildiriledi, stýdentterdiń kásibı praktıkalary men taǵylymdamalary uıymdastyrylady, salalyq jýrnalısterdiń pýldary qurylady.
Nátıjesinde medıa naryqty ekologııa salasynda materıaldar izdeýge jáne maqalalar daıyndaýǵa mamandanǵan bilikti jýrnalıstermen qamtamasyz etý josparlanýda.

Eske salsaq, qazirgi ýaqytta Mınıstrlik salalyq jýrnalısterdi daıarlaý boıynsha jumys júrgizýde.
Budan buryn medısına jáne din salalarynda mamandanǵan jýrnalısterdi daıarlaý úshin L.N. Gýmılev atyndaǵy EUÝ-men ózara túsinistik pen yntymaqtastyq týraly 2 memorandýmǵa qol qoıylǵan bolatyn.

Sońǵy jańalyqtar

Vıkıngterdiń izimen

Tarıh • Keshe

Uqsas jańalyqtar