Ekonomıka • 28 Qazan, 2020

Ekkeni – júgeri, ónimi údedi

750 ret

kórsetildi

3 mın

oqý úshin

Jarkent óńiriniń dańqy kezinde júgeri ósirýmen shyqqan edi. Qazir de aýdan dıqandary dástúrli daqyldy kóptep ósiredi. Bıyldyń ózinde aýdan boıynsha 26 059 gektar jerge dala arýy dáni egilgen. Qazirgi ýaqytta 24 196 gektar alqaby jınalyp alyndy. Kútimi kelisse, júgeriniń ónimi joǵary bolady.

Egemen Qazaqstan

Agrarshylar ótken kúzde júgeri egilgen ár gektardan ortasha eseppen 64,1 sentnerden alyp otyr. Al ázirge jınalǵan ónim – 155 133 tonna. Ala jazdaıǵy ósirilgen altyndaı ónimder búginde zaýyttarǵa jóneltilip, satylymǵa jiberildi. Aýdandaǵy «Jarkent krahmal-sirne» zaýytyna 65 myń tonna, «Shamalǵan krahmal-sirne» zaýytyna 10 myń tonna, jeke qojalyqtar men bazarlarǵa 2 950 tonna saýdalandy. Jaýapty naýqandaǵy sharýalar jumysyn kóshpeli brıfıngte aýdan ákimi baıandap berdi.

– Aýyl sharýashylyǵynda jańa tehnologııalardy qoldaný ónimdi eseleýge múmkindik beredi. Osy maqsatta ákimdik tarapynan qajetti qoldaý jasalyp jatyr. Jıyn-terin jáne kúzgi dala jumystaryna aýdanymyzda sharýalarǵa arzandatylǵan kepildi 380 tonna dızel otyny bólingen bolatyn. Onyń ishinde shilde aıyna – 80 tonna, tamyz aıyna – 100 tonna jáne qyrkúıek aıyna – 100 tonna, qazan aıyna 100 tonna berildi. Aýdan boıynsha búginge deıin alynǵany – 360 tonna, – deıdi Panfılov aýdanynyń ákimi Talǵat О́mirálıev.

Búginde alqaptaǵy jumystar qyzý. Júgeri jınaý naýqany boıynsha 90 kombaın jumyldyrylǵan. Onyń ishinde 34 kombaın júgerini dánge tikeleı oratyn, 52 KamAZ tasymaldaý maqsatynda qoldanylýda. Osyndaı qoldaý arqyly dala arýynyń bıyl ónimdiligi artty. Aýdanda júgeri 2019 jyly 26 005 gektar jerge egilse, bıyl 26 059 gektardy qurap otyr. Byltyrǵymen salystyrǵanda 866 tonna artyq júgeri dánin jınaý josparlanǵan. Sharýalar ónim jınaýdy qyrkúıektiń ortasynda bastaǵan. Aıtýlarynsha, naýqan aıdyń sońynda tolyq aıaqtalady. Panfılovtan bólek, Eńbekshiqazaq, Uıǵyr, Ile aýdandary qazirgi kúni júgerini aýdandaǵy zaýytqa ótkizip jatyr. Kúnine 70-78 tonna qabyldanýda.

Sońǵy 9 aıda jazıraly óńirdegi aýyl sharýashylyǵy salasynda jalpy ónim kólemi 31 mlrd teńgege jetip otyr. 14 qazanǵa deıin bıdaıdyń 414 gektary orylyp, 946 tonna ónim berse, arpa 567 gektardan – 1 360 tonna, júgeri 17 629 gektardan – 113 myń tonna, kartop 1 345 gektardan – 23,4 myń tonna, kókónis 1 202 gektardan – 33 myń tonna, jemis-jıdek 1 677 gektardan 14 myń tonna ónim jınaldy. Qysqy merzimge 183,4 myń tonna iri sabaqty mal azyǵy daıyndaldy. Túıindeı aıtqanda, jazıraly Jarkent jerindegi aýyl sharýashylyǵy ári qaraı da órken jaımaq.