Belgili bolǵandaı, oınap otyrǵan 9 jastaǵy bala baıqamaı tıyndy jutyp qoıǵan. Bir saǵattan soń onyń tynys alýy qıyndap, jaǵdaıy nasharlaǵan. Budan soń, ol oblystyq kópbeıindi balalar aýrýhanasyna jetkizilgen. О́kpe jasýshalaryn túsirgen rentgenografııa qorytyndysy óńeshtiń joǵarǵy jaǵynda bógde zattyń turǵandyǵyn anyqtaǵan.
"Shuǵyl túrde ony alý úshin Foleıa (Ispanııa) kateteri (rezeńke tútik) qoldanyldy. 2-3 sm úrlenetin 2 qýysty sılıkondy tútikti dene qýysyndaǵy zattardy bosatý, dárilik zattardy engizý, shaıý nemese olardy ótkizý maqsatynda syrtqy ortamen baılanystyratyn rezeńke tútikpen balaǵa jalpy narkoz salyndy. Jalpy bul ádis oqystan bolǵan shuǵyl jaǵdaıda tıimdi. Sebebi ýaqyt ótip ketse, denege beıimdelip ketken zatty alý qıynǵa soǵady. Dárigerlerdiń ýaqytyly kómek kórsetkeniniń arqasynda balanyń jaǵdaıy jaqsaryp, bala medısınalyq em-sharadan keıin úıine qaıtaryldy", - delingen habarlamada.
Tájirıbeli hırýrgtar Nurtýǵan Álqýatov pen Álimjan Álkenov mundaı oqıǵa jıi bolmasa da, kezdesip turatynyn aıtty. Dárigerler ata-analarǵa barynsha saq bolyp, balalaryn qaraýsyz qaldyrmaı, olarǵa kóbirek ýaqyt bólýdi jáne usaq zattardy balalardyń qoly jetpeıtin jerge qoıý kerektigin eskertti.
