"Ákimdikte kezekte turǵan azamattar búginnen bastap baspanaǵa muqtaj jan retinde qujat tapsyra alady. Bul jobaǵa 1986-2017 jyldar aralyǵynda kezekke turǵan adamdarmen qatar 2018, 2019 jáne 2020 jyldary ákimdikke ótinish tapsyrǵandar da qatysýǵa quqyly", delingen bank habarlamasynda.
Baǵdarlamaǵa qatysý úshin sońǵy alty aı ishindegi otbasynyń ár múshesine tıesili otbasylyq tabystyń bir aılyq kólemi 3,1 kúnkóris mınımýmynan asyp ketpeýi tıis (2020 jyldyń 1 sáýirinen bastap kúnkóris mınımımýy – 32 668 teńgege teń).
Sonymen qatar turaqty aılyq tabys nemese kásipkerlik qyzmetten túsetin kiristiń (zeınetaqy aýdarymdary, jeke tabys salyǵy men basqa da mindetti aýdarymdardy eseptemegende) bolýy talap etiledi. Biraq 2020 jyly otbasynyń ár múshesine keletin tabys kólemi 101 271 teńgeden kóp bolmaýy kerek.
