"Aýyl turǵyndaryna jaǵymdy jańalyq. Búgin bizdiń oblysqa 8 jyljymaly medısınalyq keshen keldi. Olar aýdandarǵa jiberiledi", - dep jazdy óńir basshysy áleýmettik jelidegi paraqshasynda.⠀
Kóshpeli keshende 7 kabınet bar. Dárigerler qabyldaý ótkizip, analızder qabyldaıdy. Aýyldyqtar ÝZI men EKG tekserisin óte alady. Keshende rentgen apparat ornatylǵan. Akýsher-gınekolog kabıneti, zerthana men dárihana pýnkti de bar.⠀
"Dárigerler shalǵaıdaǵy aýyldarǵa baryp, turǵyndarǵa jan-jaqty medısınalyq kómek kórsetedi. Skrınıngter men tekserýlerdiń arqasynda aýrýlardy bastapqy kezeńde anyqtap, tıimdi emdeý júrgiziledi. Aýyl turǵyndary ýaqyty men qarjysyn únemdeıdi. Eń bastysy, ýaqtyly ári sapaly medısınalyq kómektiń arqasynda densaýlyǵyn saqtaıdy", - dedi Q.Aqsaqalov.
