"Qurmetti Shyǵys Qazaqstan turǵyndary, ózderińiz biletindeı, bir táýlik ishinde óńir boıynsha koronavırýs ınfeksııasyn juqtyrýdyń 139 jaǵdaıy tirkeldi. 100 myń turǵynǵa shaqqandaǵy kórsetkish jalpy respýblıkalyq deńgeıden asyp, 683,6 qurap otyr. Oblystaǵy epıdemıologııalyq jaǵdaıdyń nasharlaýynyń negizgi sebepteri turǵyndar men kásipkerlik sýbektileriniń epıdemııaǵa qarsy shekteý is-sharalaryn saqtamaýy, sondaı-aq shektes memlekettermen jalǵasatyn jolaýshylar men júk aǵyndary bolyp tabylady.
Osyǵan baılanysty QR Úkimetiniń kelisimi boıynsha 2020 jylǵy 1 qarashadan bastap ShQO-nyń syrtqy shekaralarynda blok-beketterdi engize otyryp, sharýashylyq jáne ózge de qyzmet pen halyqtyń ómiriniń jaǵdaılaryna shekteý sharalary engiziledi.
Qalyptasqan epıdemıologııalyq ahýalda óńir basshylyǵy О́skemen qalasy men oblys halqynyń qalypty tynys-tirshiligin qamtamasyz etý boıynsha barlyq qajetti sharalardy qabyldaıtyn bolady. Kásiporyndar, azyq-túlik dúkenderi, dárihanalar, bankter, HQKO-lar jumys isteıdi. Biz bıznesti engizilgen karantındik sharalardyń saldarynan barynsha qorǵaýǵa tyrysamyz.
Jańa qaýly jaqyn arada jarııalanady", dedi Talǵat Tuńǵyshbaev.
