Elorda • 29 Qazan, 2020

Kóktaıǵaqta jaraqat pen synyqtan qalaı saqtanýǵa bolady?

22 ret kórsetildi

Kóktaıǵaq maýsymy bastalady. Osy kezeńde jaraqat alý qaýpi aıtarlyqtaı artady. Qazir qol men aıaqtyń synyǵy, kógerý, bas, qabyrǵa synyqtary, kógergen jaralar, gematomalary bar adamdar emhanaǵa jıi barady, dep habarlaıdy Egemen.kz

Dáriger-hırýrg, №1 qalalyq emhananyń konsýltatıvti-dıagnostıkalyq bóliminiń meńgerýshisi mindetin atqarýshy Elvıra Kajenova qubylmaly aýa-raıynda synyqtan saqtanýǵa birneshe keńes berdi.

1. Tabany jataǵan, yńǵaıly aıaq kıim kıińiz.

2. Jaıaý júrginshi joly nemese baǵdarshamnan ótip bara jatqanda qulaqqap kııýge bolmaıdy, óıtkeni kólik dabyly estilmeýi múmkin. Baǵdarsham men jaıaý júrginshi jolynan ótý kezinde balalardy qolyńyzda ustańyz.

3. Qoǵamdyq kólikten aqyryn shyǵyp, ustaǵyshty nyq ustańyz. Aıaldamadan ketip bara jatqan avtobýs artynan júgirmeńiz. Taıyp qulaý yqtımaldyǵy joǵary.

4. Egde jastaǵy adamdarǵa rezeńke ushty taıaqshany qoldanýǵa keńes beriledi.

5. Arqaǵa qulap túsý qaýipti, sebebi jelkemen soǵyp, mıy shaıqalýy múmkin. Mundaı jaǵdaılarda ıekti keýdege deıin tartý usynylady.

6. Qoldyń alaqan betine túsý usynylmaıdy, óıtkeni bul bilek pen bilek súıekteriniń synýyna ákeledi. Qoldyń syrt jaq qyryna qulap túsýge tyrysqan jón.

Alǵashqy qabyldaýda dárigerdiń qaraýynan keıin deneniń jaraqattanǵan bóliginiń rentgenografııasy, qajet bolǵan jaǵdaıda basqa mamandardyń (nevropatolog, neırohırýrg, hırýrg) tekserýi taǵaıyndalady. Tekserý nátıjeleri men aspaptyq zertteý ádisterinen keıin synyqtar anyqtalǵan kezde gıps ımmobılızasııasy qoldanylady nemese kórsetkishter boıynsha hırýrgııalyq emdeýge jiberiledi.

Sońǵy jańalyqtar

Vıkıngterdiń izimen

Tarıh • Keshe

Uqsas jańalyqtar