"Qazirgi problemanyń birqatar obektıvti sebebi bar. Sonyń biri - halyqtyń kóshi-qon qabiletiniń joǵary bolýy. Kórshiles memleketterdiń shekaralas aýdandarynda óte qolaısyz jaǵdaı qalyptasyp, naýqastaný deńgeıi joǵary bolyp tur. Sonyń saldarynan halyqtyń kóship-qonýy kezinde syrttan keletin jaǵdaı jıi bolýda", dedi ol Ortalyq kommýnıkasııalar qyzmetindegi baspasóz máslıhatynda.
Densaýlyq saqtaý mınıstrligi óńirdegi máselelerdi zerdeleý úshin komıssııa jibergenin, birqatar problema anyqtalǵanyn tilge tıek etti. Ásirese jekemenshik zerthanalar jumysynda kemshilik bar ekenin alǵa tartty.
"Habarlaý 3-5 táýlikke deıin keshigip jetizilgen. Sonyń saldarynan sanıtarlyq-epıdemııalyq qyzmet is-sharalardy kesheýildetip júrgizgen. Karantın sharalaryn asyra paıdalaný faktileri de anyqtalyp jatyr. Qoǵamdyq kóliktegi jolaýshylardyń 50 paıyzyna deıin maskasyz júrip, araqashyqtyqty saqtamaǵan", dedi Erlan Qııasov.
