Aımaqtar • 31 Qazan, 2020

Atyraýda tabıǵat paıdalanýshylardan 224 mln teńge aıyppul óndirildi

143 ret kórsetildi

Bıylǵy 9 aıda tabıǵat paıdalanýshylardan óndirilgen aıyppul 224 mln teńgeni qurap otyr, dep habarlaıdy Egemen.kz.

Oblystyq Ekologııa departamenti basshysynyń orynbasary – bas memlekettik ekologııalyq ınspektor Syrym Tilegenovtiń málimetine qaraǵanda, osy kezeńde tabıǵat paıdalanýshylarǵa 46 memlekettik ekologııalyq baqylaý júrgizilipti. Onyń 11-i – profılaktıkalyq baqylaý, 35-i – jospardan tys tekserý.

"Tekserý nátıjesinde 130 buzýshylyq anyqtalyp, ony joıý týraly 85 uıǵarym berildi. Anyqtalǵan zańbuzýshylyqtarǵa baılanysty 88 mıllıon 422 myń teńgeni quraıtyn 54 ákimshilik aıyppul salyndy. Aıyppuldyń 88 mıllıon 299 myń teńgesi óndirildi", dedi Syrym Tilegenov.

Buǵan qosa byltyr salynǵan 136 mıllıon 339 myń teńgeni quraıtyn 5 ákimshilik aıyppul óndirilip otyr. Osynyń bári qosa eseptegende, bıylǵy 9 aıda memleket paıdasyna óndirilgen aıyppuldyń kólemi 224 mıllıon 638 myń teńgege jetti.

Sońǵy jańalyqtar

Kelisimde keleshek bar

Qoǵam • Keshe

Teńiz túısigi

О́ner • Keshe

Ańshylyq – asyl óner

Rýhanııat • Keshe

Uqsas jańalyqtar