"Jyl sońyna deıin birqatar qoljetimdi áleýmettik turǵyn úı salamyz. Qalany aralaý barysynda jeńildikpen beriletin úılerdiń qurylys barysymen tanystym. Kóppáterli turǵyn úı keshenderi qalanyń ártúrli aýdandarynda ornalasqan.
Máselen, Ryskeldi qajy (Saryarqa aýdany) meshiti janynda ornalasqan turǵyn úıdi jyl sońyna deıin tapsyramyz. Munda kezekte turǵan 530 adam páter alady. Olar halyqtyń áleýmettik álsiz tobyna jatady.
Sonymen qatar, Almaty aýdany (metroǵa jaqyn) men Jaǵalaý aýdanyndaǵy turǵyn úılerdiń qurylys barysymen tanystym. Páterlerdiń jalpy sany 2 myńnan asady. Olar kezekte turǵandarǵa, turǵyn úı qurylys jınaq bankiniń salymshylaryna, Shańyraq "5-10-20" turǵyn úı baǵdarlamasynyń qatysýshylaryna beriledi.
Júrgizilip jatqan jumystardyń sapasyna erekshe nazar aýdara otyryp, qurylys qarqynyn arttyrýdy tapsyrdym", dep jazdy Altaı Kólginov Instagram paraqshasyna.
