Jıyn barysynda oblystyq bilim basqarmasynyń basshysy Aqzıra Qasymova óskeleń urpaqty rýhanı-adamgershilikke, parasattylyqqa tárbıeleý maqsatynda óńirde atqarylyp jatqan jumystar jaıly aıtyp, osy baǵyttaǵy "Sanaly urpaq" jáne "Adal urpaq" klýbtarynyń mańyzdylyǵy týraly qatysýshylarmen oı bólisti.
Ǵanıjan Asanuly qoǵamdaǵy sybaılas jemqorlyqpen kúres júıeli ári uzaq merzimdi memlekettik saıasat ekendigin atap ótip, ujymda jemqorlyqqa múldem tózbeýshilik ahýalyn qalyptastyrý úshin júıeli túrde profılaktıkalyq sharalardy ótkizý qajettigin nazarǵa alýdy usyndy.
Respýblıkalyq aqparattyq-aǵartýshylyq shtabynyń jetekshisi Yrza Tursynzada bilim alýshylardyń boıyna adaldyq, parasattylyq, ádildik, senim qundylyqtaryn sińirýde jáne parasatty qoǵam tárbıeleýde bilim salasynyń orny aıryqsha ekendigin jetkizdi.
Qyzylorda qalasyndaǵy joǵarǵy jáne arnaýly orta bilim berý uıymdarynyń basshylary qatysqan kezdesýge aýdandardaǵy mektepke deıingi, orta bilim berý uıymdary men ınternattar basshylary Zoom platformasy arqyly qosyldy.
