PTR zerthanasyna 4 myń adamǵa kovıdti tekseretin reaktıvter keldi. Almaty qalasynan ákelgen medısınalyq jabdyqtardyń montajdaý jumystary 26 qazanda bastaldy.
– Munda bilikti mamandar, medısına qyzmetkerleri jumys isteıdi. Bul zerthananyń ereksheligi tek kovıdke qarsy test jasalyp qana qoımaı, ózge de taldamalar, laboratorııalyq zertteýler júrgiziledi. Sondaı-aq kópbeıindi aýrhanaǵa 45 ottegi núktesi tartyldy. Endi ballondy tasymaı-aq perzenthanaǵa, terapııalyq korpýsqa, ınfeksııalyq aýrýhanaǵa jáne jansaqtaý bólimine ottegi tetikterin alýǵa múmkindik bar, – deıdi S.Tanaeva.
Mamandardyń aıtýynsha, ekinshi tolqyn bola qalǵan jaǵdaıda qala syrtyndaǵy 9 shaqyrym qashyqta ornalasqan aýdanaralyq týberkýlez dıspanserinde 100 adamǵa arnalǵan tósektik-oryn men qorǵanysh quraldary daıyn. Búginde týberkýlez dıspanserinde kúrdeli jóndeý jumystary bastaldy. Qalada aýrýdyń azaıýyna baılanysty endi jedel-járdem stansasy 31 jeltoqsanda sol ǵımaratqa kóshpek.
Jalpy, Mańǵystaý oblysy densaýlyq saqtaý basqarmasy basshysynyń orynbasary L.Esenǵalıevanyń aıtýynsha, indettiń yqtımal kelesi tolqynyna daıyndyq aıasynda jumystar júrgizilýde. Qazirgi tańda aımaq boıynsha 215 ınfeksııalyq tósektik-oryn men 9 stasıonar bar. Budan bólek taǵy 11 stasıonar men 1 835 kereýet qoldanysqa ázir. Barlyq tehnıka, múlikpen qamtylǵan bul oryndar rezervte tur.
– Qazirgi ýaqytta bizdiń oblysymyzda PTR-testileýmen aınalysatyn 5 zerthana bar. Biri – memlekettik, qalǵany – jekemenshikte. Barlyǵy qosa alǵanda, bul zerthanalar bir táýlikte 3 700 PTR-zertteý júrgizýge qaýqarly, – deıdi L.Esenǵalıeva.
Sondaı-aq taǵy bir ınfeksııalyq aýrýhananyń qoldanysqa daıyndyǵy 95% dep baǵalanýda. Ǵımaratqa KT, ÝZI, rentgen quraldary qoıylǵan. Budan ózge jyl sońyna deıin 100 oryndyq qalalyq kópbeıindi aýrýhana ashylady dep kútilip otyr. Koronavırýstyń boljamdy kelesi tolqynyn qaıtarýǵa 2 700 medısınalyq qyzmetker daıyndyqtan ótkizildi. Olardyń tizimi bekitilgen. Ár apta saıyn basqa aımaqtardaǵy JOO-nyń professorlyq-oqytýshylyq quramymen onlaın-sabaqtar ótkizildi.
Qaraǵandy medısınalyq ýnıversıtetiniń professorlyq-oqytýshylar toby aımaqqa kelip ketkeni málim. Olar KVI-ge qatysty emdeý protokoldaryn túzýge belsene atsalysty. Sáıkesinshe, Aqtaý men Jańaózen qalalarynda dárigerler úshin biliktilik arttyrý semınarlary ótkizildi. Sondaı-aq indettiń endigi tolqynyna tosqaýyl qoıý maqsatynda Mańǵystaý óńirine eki jyljymaly medısınalyq keshen jetkizilgen. Olar shalǵaı eldi meken turǵyndaryna qyzmet kórsetedi. Taǵy 20 reanımobıl kóligin bólý jumystary jalǵasýda. Qoımalarda birrettik jáne kóp ret qoldanylatyn medkostıýmder, qolǵaptar, betperdeler, medhalattar men kózildirikter sekildi jeke qorǵanys quraldarynyń 2 aıǵa jetetin qory qurylyp, 3 mln betperde satyp alyndy. Jaǵdaı qıyndaı qalsa, olar jergilikti dárihanalarǵa jetkiziledi. Sondaı-aq Mańǵystaýda KVI-diń kelesi tolqynyna ázirlik aıasynda 70 myń adam tumaýǵa qarsy ekpe alady dep josparlanǵan. Búginde 90%-yna ekpe salyndy. Olardyń basym kópshiligin júkti áıelder, jıi aýyratyn tulǵalar men esepte turǵan azamattar quraıdy.
Mańǵystaý oblysy
