Bıznes • 03 Qarasha, 2020

"Kásipker ana" arqyly áıelder óz bıznesin qalaı bastaı alady?

31 ret kórsetildi

Tabysty kompanııanyń dóńgelenýi kóbine bıznes ıeleri kásibine qajetti mamandyqty ıgergen soń bastalady, dep habarlaıdy Egemen.kz

Kásipker retinde qalyptasý úshin bıznesti júrgizý tájirıbesine qajetti erekshe oılaý qabileti qajet. Nur-Sultandaǵy "Kásipker ana" áleýmettik jobasy halyqtyń áleýmettik osal toptary qataryndaǵy áıelderge úıde jumys isteýdi bastaý jáne óz isin damytý úshin túrli mamandyqtar boıynsha sheberlik pen daǵdylardy meńgerýge kómektesedi.

"Biz áıelderge kásipkerlik oılaýdy damytýdy úıretemiz. Bizdiń ıdeıamyz-aldymen olarǵa belgili bir mamandyqtyń qyr-syryn úıretemiz, sonyń arqasynda olar bolashaqta kásipker bola alady. Biraq jeke kásipker bolý úshin aldymen adam ózin ózi jumyspen qamtyp, óz eńbeginiń arqasynda alǵashqy aqshasyn tabýdy úırený kerek", dep atap ótti "Kásipker ana" jobasynyń negizin qalaýshy Aınur Ámirhan.

Búginde elorda turǵyndary IT-baǵdarlaý, áleýmettik jelilerdi ilgeriletý, foto jáne beınografııa, aspazdyq, qolóner, grafıkalyq dızaıner, kopıraıter, SMM mamany, koých-psıholog, tiginshi, massajıst, Montessorı ádistemesi boıynsha kútýshi jáne t.b. baǵyttar boıynsha kásipkerliktiń qyr-syryn meńgerýde. Barlyǵy 20-ǵa jýyq baǵyt bar. Sonymen qatar uıymdastyrýshylar eńbek naryǵyndaǵy ózekti kásipterdi qadaǵalap, olardy baǵdarlamalar tizimine qosady.

"Men 2019 jyly tatýırovka jasaýdy úırendim. Qazir jumys isteımin, aqsha tabamyn jáne adamdardy oqytamyn. Sondaı-aq, 555 myń teńge kóleminde grant aldym", deıdi jobaǵa qatysýshylardyń biri Gúlnar Esenova.

"Men bir jyl buryn jalǵyz basty ana sanatynda oqydym, munda jaqsy baza aldym. Keıinnen óz biliktiligimdi arttyrdym jáne qazir osy ortalyqta sabaq beremin. Bul paıda tabatyn mamandyqty alýǵa jáne bolashaqta eshkimge táýeldi bolmaı, jumys isteýge jaqsy múmkindik", deıdi manıkıýr sheberi Albına Dosymova.

Jobada jańa mamandyq úıretýden basqa, qatysýshylardy ózderin maman retinde baǵalaýǵa úıretedi. Olarmen psıhologtar da jumys isteıdi.

"Biz jumys isteıtin sanattardaǵy áıelderge psıhologııalyq qoldaý qajet ekenin túsinemiz. Sondyqtan bizde turaqty negizde koých-sessııalar, trenıngter ótkizetin psıhologtar bar. Iаǵnı bul mamandar, birinshiden, olardy ári qaraı kásipkerlik qyzmetke psıhologııalyq turǵydan daıyndaýǵa kómektesedi. Ekinshiden, áıelderdi óz isimen aınalysý úshin qyzyqtyrý. Sebebi klıentter birinshi kezekte adamdarǵa barady", dedi Aınur Ámirhan.

Kýrstardan ótkennen keıin qatysýshylar sertıfıkattar alady jáne óz isin bastaı alady.

Uıymdastyrýshylar sonymen qatar "Kásipker ana" áıelder qaýymdastyǵyn qurýdy josparlap otyr, onyń aıasynda qatysýshylar tájirıbe almasyp, bir-birin jańa nátıjelerge yntalandyrady.

Jobada oqýǵa @Kasipkerana_bot Telegram-boty arqyly ótinimderdi berýge bolady. Baǵdarlamanyń barlyq jańalyqtaryn @kasipker_ana ınstagram akkaýntynan da qadaǵalaýǵa bolady.

Esterińizge sala keteıik, "Kásipker ana" áleýmettik jobasynyń tanystyrylymy byltyr qyrkúıek aıynda ótken bolatyn. Onyń mindeti – kópbalaly áıelderge, jalǵyz basty analarǵa, az qamtylǵan otbasylarǵa, sondaı-aq múmkindigi shekteýli balalardy tárbıelep otyrǵan analarǵa óz isin bastaýǵa kómektesý.

Sońǵy jańalyqtar

Uqsas jańalyqtar