Otandyq jáne nemis sarapshylarynyń bastamasymen keńes berilip, qazaqstandyq mamandarǵa Germanııada uzaqmerzimdi is-tájirıbeden ótýge múmkindik jasalady.
Nemis tarapynan jobany oryndaýshylar qatarynda GFA Consulting Group GmbH, ADT Project Consulting GmbH jáne IAK Agrar Consulting GmbH sııaqty konsalgtıngtik kompanııalar bar.
Qazaqstan jaǵynan "Mal sharýashylyǵy jáne jem-shóp óndirisiniń qazaq ǵylymı-zertteý ınstıtýty" JShS jáne "Agrarlyq nesıelik korporasııa" AQ at salysady.
Jobaǵa qatysýǵa Pavlodar, Soltústik Qazaqstan, Qostanaı jáne Aqmola oblystarynyń 100-ge jýyq sharýashylyǵynan 16 sút fermasy irikteldi. Pavlodar oblysynda nemis kompanııalary "Agro-Damý" JShS, "Sergeı", "Konvısher" jáne "Sharov" ShQ-men seriktes bolady.
Jýyrda nemis kompanııasynyń ókilderi Ýve Veddıge jáne Toraıǵyrov ýnıversıtetiniń "Agroınnovasııalar jáne bıotehnologııalar" ǴZI-niń dırektory Qaırýlla Ahajanov "Sergeı" ShQ-nyń bazasynda oblys fermerlerine arnalǵan semınar ótkizdi.
Shara barysynda maldyń tabanyn óńdeý, aqsaq maldy esepteý, ony emdeý jáne aldyn alý boıynsha oı órbitildi. Yntymaqtastyq aıasyndaǵy ortaq jumys 2019-2023 jyldarynda atqarylyp, Qazaqstannyń sút salasyna ınvestorlardy tartý kózdelgen.
