Oblystyq qoǵamdyq densaýlyq basqarmasynyń basshysy Marat Pashımovtyń málimetinshe, oqshaýlaý ortalyqtary Saryaǵash, Atakent, Kentaý qalalary men Saıram, Qazyǵurt jáne Keles aýdandarynda da ashylǵan. Saryaǵash aýdandyq ortalyq aýrýhanasyna qarasty karantındik stasıonar 180 tósek-orynǵa artty. Sońǵy málimet boıynsha, karantındik stasıonarlarda oblys boıynsha 56 adam dárigerlerdiń baqylaýynda jatyr.
Qoǵamdyq densaýlyq basqarmasynyń basshysy Marat Pashımov shekaralas aýdanda ornalasqan karantındik stasıonardy aralap, medısına qyzmetkerleriniń indettiń taralýyna tosqaýyl qoıý amaldaryn pysyqtady. Aýdandyq aýrýhana zerthanasynyń táýligine 500-ge jýyq koronavırýs ınfeksııasyna synama alý múmkindigi bar. Taıaý ýaqytta jeke ottegi stansııasy iske qosylady. Emdeý mekemesi 2-3 aılyq dári-dármek qory jáne jeke qorǵanys quraldarymen tolyq qamtamasyz etilgen.
Aıta ketelik, 3-qarasha kúngi derek boıynsha, sońǵy úsh táýlikte oblysta koronavırýs ınfeksııasyn juqtyrǵan jaǵdaı tirkelmegen.
Túrkistan oblysy
