Almaty áýejaıynda megapolıske halyqaralyq reıstermen ushyp kelgen azamattar arasynda koronavırýs ınfeksııasyna testileýden ótkeni týraly anyqtamasyz kelgenderdi anyqtaý jumysy jalǵasyn taýyp otyr.
О́tken aptadan beri, ıaǵnı 27 qazany men 3 qarasha aralyǵynda shetelden Almatyǵa 7682 jolaýshysy bar 51 áýe reısi keldi. Anyqtamasy joq 258 jolaýshy anyqtalǵan.
COVID-19-ǵa PTR test netıjesi joq barlyq 258 jolaýshy koronavırýs ınfeksııasyna zerthanalyq tekserý úshin karantındik mekemelerge oqshaýlandy. Zerttelgen 258 testiniń 219-y teris nátıje kórsetse, 39-y tekserilý barysynda.
Álemdegi epıdemııalyq jaǵdaıdyń ýshyǵýyna baılanysty Almaty qalasynyń ákimdigi qala turǵyndaryn múmkindiginshe shetelge saparǵa shyǵýdy ýaqytsha toqtatýdy, sondaı-aq barlyq sanıtarlyq-epıdemııalyq sharalardy: maska rejımin jáne áleýmettik qashyqtyqty saqtaýdy jalǵastyrýǵa shaqyrady. Táýekel tobyndaǵy halyqqa, ásirese 65 jastan asqan adamdarǵa úıden shyqpaý usynylady.
Álemde epıdemııalyq jaǵdaı turaqsyz, birqatar elde aýrýdy juqtyrýdyń óskeni tirkelip otyr, osyǵan baılanysty karantındik rejımdi kúsheıtý boıynsha sharalar qabyldanýda. Ashyq derekterge sáıkes, Ispanııada 26 qazannan bastap TJ rejımi engizildi, qalalarda komendanttyq saǵat jumys isteıdi. Fransııada karantın-1 jeltoqsanǵa deıin. Fransııa bıligi koronavırýs ınfeksııasyn juqtyrý oqıǵalarynyń kóbeıýine baılanysty búkil elde osyǵan deıin engizilgen oqshaýlaý rejımine Parıjde komendanttyq saǵat engizýge nıetti. Germanııada 2 qarashadan bastap búkil el boıynsha karantın engiziledi. Avstrııada 3 qarashadan bastap koronavırýstyń taralýyn boldyrmaý úshin 30 qarashaǵa deıin ekinshi karantın bastaldy.
