"Qańtarda biz keıbir jataqhanalarda monıtorıng júrgizdik. Sol kezde aıtylǵan eskertýler joıylǵan. Keıbir bólmelerde jóndeý jumystary júrip jatyr. Jalpy jataqhanalardyń jaǵdaıy jaman emes. Alaıda birqatar mekemede stýdentter úshin tolyqqandy demalys bólmeleri joq, kovorkıng aımaqtary qajet. Keı jerlerde as úı men kir jýatyn oryn bólek emes, bul aımaqtar ár túrli bólmelerde bolǵany durys", - dep atap ótti "Nur Otan" partııasy "Jas Otan" JQ elordalyq fılıalynyń jetekshisi Baqdáýlet Jandildaev.
Aıta ketý kerek, belsendiler Qazaq ulttyq óner ýnıversıteti, Astana medısına ýnıversıteti, S.Seıfýllın atyndaǵy Qazaq agrotehnıkalyq ýnıversıteti, Qaz-SÝÝ, KazÝEFMT, L.Gýmılev atyndaǵy Eýrazııa ulttyq ýnıversıteti, KazGZÝ kolledji, Medısınalyq-tehnıkalyq kolledji, Ekonomıka, tamaq ónimderin óndirý tehnologııasy jáne standarttaý kolledji, Qaztutynýodaǵynyń saýda-ekonomıkalyq kolledji, Gýmanıtarlyq kolledji, Qarjy akademııasy, Turan-Astana ýnıversıteti, Qazaq ulttyq horeografııa akademııasy, Eýrazııa gýmanıtarlyq ınstıtýty, Qazaq tehnologııa jáne bıznes ýnıversıteti, Nazarbaev Ýnıversıteti jáne Astana IT University jataqhanalaryna bardy.
Jalpy, jastar saıasaty máseleleri basqarmasynyń málimeti boıynsha qalada 30-dan astam kolledj, 16 ýnıversıtet jáne 40 jataqhana bar.
