Reseı prezıdenti Vladımır Pýtın mektep baǵdarlamasyndaǵy orys tili men ádebıeti pánderiniń saǵattaryn kóbeıtýge tapsyrma berdi. Bul týraly ITAR-TASS habarlady.
«Búgingi tańda orys tili men ádebıeti pánine bólingen saǵattar sany az bolyp otyr. Bul olardyń mańyzynyń eskerilmeýi», – dedi Vladımır Pýtın Reseı ádebıetine arnalǵan jınalysta. Pýtın sondaı-aq jastardyń arasynda orys tilin ıgerý deńgeıi men ádebıetke degen qyzyǵýshylyqtyń tómendep bara jatqanyn eskerdi. «Bizdiń el bir kezderi álemdegi eń kóp oqıtyndardyń eli sanalatyn. Al qazir ol ataqtan dámete de almaımyz», – dedi ol.
Reseı prezıdenti orys tili men ádebıet pánderiniń saǵattaryn kóbeıtýmen másele sheshile qoımaıtynyn alǵa tartty. Ol bul máselede muǵalimniń biliktiligi, onyń oqýshylarǵa baı tilimizdi dáripteı bilýi úlken ról atqaratynyn aıtty.
Vladımır Pýtın ádebıet salasyndaǵy mańyzdy máselelerdi birlese otyryp sheshýge usynys bildirdi. «Bizge jazýshylardyń shyǵarmashylyǵy men dástúrli ádebı synnyń, kitaphanalar men ádebı murajaılardyń, sondaı-aq jazýshylardyń memorıaldyq úıleriniń jandanýyna jaǵdaı jasaý kerek», – dedi ol.
Aıdar О́risbaev.
Derekkóz: Itar-tass.com
