2020 jyly maqtaaraldyq dıqandar 60,9 myń gektar jerge egistik ekse, onyń 38,2 myń gektary maqta daqylyna tıesili. Aýdan boıynsha búgingi tańda 86,7 myń tonna aq altyn jınaldy. Dıqandarymyz maqtany jınaý jumystaryn áli de jalǵastyrýda, ázirshe ortasha ónimdilik 25 sentner.
Sonymen qatar, maqtaly ólkede 46,3 myń tonna kókónis, 304,1 myń tonna baqsha ónimderi óndirilip, shet memleketterge 80 paıyzyna jýyǵy eksporttaldy. Odan bólek, 11,8 myń tonna kúrish jınalsa, basqada túrli aýyl sharýashylyǵy daqyldary óndirildi.
Aýdanda aýyl sharýashylyǵy tehnıkalary jyl saıyn jańaryp keledi. 2020 jyly 98 tehnıkany jańadan satyp alý kózdelse, esepti kezeńde 102 tehnıka alynyp, jospar artyǵymen oryndalyp otyr. Sondaı-aq, jylyjaılardyń kólemin 10 gektarǵa kóbeıtý josparlanǵan edi, 10 aıdyń ishinde jospar tolyqtaı iske asqan.
Sol sııaqty tamshylatyp sýǵarý ádisin 250 gektarǵa kóbeıtý josparlanǵan edi, esepti kezeń ishinde túrli daqyldarǵa jańa tehnologııalardy endirýdiń nátıjesinde 174 gektar jerge endirildi.
Aıta keteıik, 2020 jyly 32 birlik mal bordaqylaý alańdary, 8 shaǵyn januıalyq sút aýlalary qurylyp, aǵymdaǵy jyldyń 10 aıynda tapsyrmalar tolyǵymen oryndaldy.
