Jıynda Agenttiktiń Parasattylyq departamentiniń dırektory Ǵanıjan Asanuly sybaılas jemqorlyqqa qarsy is-qımyl máseleleri boıynsha Qazaqstan Respýblıkasynyń keıbir zańnamalyq aktilerine engizilgen ózgerister týraly keńinen sholý jasady. Sol sııaqty Almaty oblysynyń servıstik ákimdik, ashyq bıýdjettiń ınteraktıvti kartasy, Open space formatynda jumys isteý baǵyttaryndaǵy aıaq alysy týraly qysqasha aıtyp ótti. Osy baǵyttaǵy jumystardy odan ári jandandyrý qajettigin aıtty.
Sol sııaqty Agenttiktiń Aqparattyq – aǵartýshylyq shtabynyń tóraıymy Yrza Tursynzada sóz alyp, jemqorlyq dertiniń aldyn alý, azamattyq ustanymnyń róli, otanshyldyq qasıetti shyńdaý jaıly sóz qozǵady.
Jıyn sońynda oblys ákimi Amandyq Batalov oblysta memlekettik qyzmettiń ashyqtyǵyn, qol jetimdiligin qamtamasyz etý maqsatynda atqarylyp jatqan jumystarǵa qysqasha toqtalyp ótip:
- Jyl sońyna deıin servıstik ákimdikter barlyq aýdanda ashylady. Búgingi kúnge 16 aýda-qalada bar. Qalǵan aýdan ákimderi, osy isti jaqyn arada sheshińizder. Ashyq bıýdjettiń ınteraktıvti kartasy boıynsha da ashyqtyqty tolyq qamtamasyz etýge múmkindigimiz bar. Ol boıynsha da jumys jasalyp jatyr. Sybaılas jemqorlyqqa qarsy kúres jan-jaqty, úzdiksiz jáne ádil júrgizilýi tıis. Sonda ǵana biz alǵa qoıylǵan maqsattarǵa qol jetkizemiz. Aldaǵy ýaqytta osy baǵyttaǵy jumysty nátıjeli atqarý - barshamyzǵa júkteletin jaýapty mindet, dedi sózin qorytyndylap
