Baıqaýǵa Abaı, Aıagóz, Besqaraǵaı, Borodýlıha, Glýbokoe, Jarma, Zaısan, Katonqaraǵaı, Kúrshim, Kókpekti, Úrjar, Ulan, Tarbaǵataı, Altaı aýdandarynan, sondaı-aq О́skemen, Semeı jáne Rıdder qalalarynan barlyǵy 17 shaǵyn jınaqty mektep muǵalimderi qatysqan.
"Men tabysty muǵalimmin" atty konkýrstyń birinshi týrynda qatysýshylar pedagogıkalyq tájirıbelerin ortaǵa salsa, ekinshi týrda birlesken synypta "Shaǵyn jınaqtalǵan mekteptegi úzdik sabaq" taqyrybynda beınesabaqtar kórsetti.
"Qazylar alqasynyń sheshimi boıynsha birinshi oryndy Besqaraǵaı aýylyndaǵy orta mekteptiń hımııa jáne bıologııa pániniń muǵalimi Kúlimhan Aıtbulanova jeńip aldy. Ekinshi oryndy eki oqytýshy – Altaı aýdany Chapaev orta mektebiniń hımııa jáne bıologııa páni muǵalimi Natalıa Kablýkova, Katonqaraǵaı aýdany S.Túkibaev atyndaǵy orta mektebiniń qazaq tili men ádebıeti páni muǵalimi Merýert Knıazbaeva ıelendi. Úshinshi orynǵa Úrjar aýdany Qarabuırat orta mektep-baqshasynyń matematıka pániniń muǵalimi Jańylhan Isadjanova, Ulan aýdanynyń S.Amanjolova atyndaǵy orta mektebiniń bastaýysh synyp muǵalimi Aıjan Arısheva jáne Kókpekti aýdany A.S. Pýshkın atyndaǵy orta mektebiniń qazaq tili men ádebıeti pániniń muǵalimi Aınur Ashar ıe boldy", delingen ShQO Aqparat ortalyǵynyń habarlamasynda.
Sonymen qatar bes oqytýshy birqatar nomınasııalar boıynsha jeńiske jetti. "Jańashyl muǵalim" nomınasııasy boıynsha Aıagóz aýdany T.Esimjanov atyndaǵy jalpy bilim beretin mekteptiń ınformatıka páni muǵalimi Aınur Smaǵulova úzdik atandy.
Rıdder qalasy Býtakovo aýylynyń negizgi orta mektebiniń ózin-ózi taný muǵalimi Ivan Kadyrov "Bilikti pedagog" nomınasııasyn jeńip aldy. Kúrshim aýdany Monýkoı negizgi orta mektebiniń qazaq tili men ádebıeti pániniń muǵalimi Farıda Konakova "Úzdik oıshyl-muǵalim" atandy. "Kásibı muǵalim" nomınasııasy boıynsha Abaı aýdany S.Bekbosynov atyndaǵy orta mekteptiń matematıka páni muǵalimi Úmitqan Shaıanbaı marapattaldy. Glýbokoe aýdany M.Ǵabdýllın atyndaǵy orta mektebiniń qazaq tili men ádebıeti páni muǵalimi Láılá Jamaǵanova «Shyǵarmashyl ustaz" nomınasııasy boıynsha úzdik atandy.
