Onyń aıtýynsha, qazaqstandyq joǵary oqý oryndary stýdentke klıent retinde qaraıdy. Shyn mánisinde, ýnıversıtettiń klıenti stýdent emes – jumys berýshi. О́ıtkeni naryqta jumys berýshige sapaly bilim alyp shyqqan, básekege qabiletti mamandar qajet.
"Meniń oıymsha, joǵary bilimbızneske aınalmaýy kerek. Stýdent joǵary bilim úshin aqsha tólemeýi tıis. Ýnıversıtet negizinen halqyna, eline qyzmet etýi shart. Ýnıversıtet - kommersııalyq emes, áleýmet aldyndaǵy jaýapkershiligi bar uıym. Stýdentterdiń bilimi men tájirıbesin olardyń aqshalary esebinen damytý múmkin emes. Sebebi sapaly bilim berýdi uıymdastyrýda az qarajat jumsalmaıdy. Sondyqtan bilim sapasyn arttyrǵymyz kelse, oqytýshylardyń jalaqysyn memleket tikeleı qarjylandyrýy kerek (Ispanııa, Germanııa nemese Nıderlandydaǵydaı), al ýnıversıtet qarjylandyrýdyń basqa kózderin qarastyrýy qajet. Mysaly, KAZGIýÝ jeke aqyly kýrstardy, biliktilikti arttyrý baǵdarlamalaryn usynady, ǵylymı zertteý jumystaryn júrgizedi. Sondaı-aq Endaýment qory bar. Onda bizdiń túlekterimiz, mesenattar stýdentterdi oqytýǵa jáne ýnıversıtettiń materıaldyq-tehnıkalyq bazasyn jaqsartýǵa kómektesedi", deıdi Basqarma tóraǵasy.
Bul jaıly Talǵat Nárikbaev Qazaqstan stýdentteri Alıansy músheleri jáne 100-den astam joǵary oqý oryndarynyń belsendi jastarymen bolǵan onlaın kezdesýinde málimdedi.
