Jobanyń maqsaty - jastardy jańashylyqqa beıimdep, olardyń ózin-ózi damytýyna jaǵdaı jasaý.
Bilim berý jobasynyń alǵashqy qonaǵy – Nursultan Nazarbaev Fondynyń dırektory Darıǵa Nazarbaeva boldy.
"Biz pandemııany tez arada aıaqtala qoıady dep oılamaımyz, ondaı jaǵdaıda áli uzaq ýaqyt áreket etýge daıyn bolýymyz kerek. Al bul - qoldaýdy qajet etetin adamdarǵa barynsha kómek kórsetýdi jalǵastyrý kerek degen sóz.
Jastar úshin qoǵamǵa, ıaǵnı elimizge qaltqysyz qyzmet etýden mańyzdy is bolýy múmkin be? Osy qyzmet arqyly sizder tájirıbe jınaqtaısyzdar, qurmet pen bedelge ıe bolasyzdar jáne ómirde kóp jetistikterge jetesizder. Men sizderge shyn júrekten osyny tileımin.
Osyndaı ómirlik ustanym jańa urpaqqa, jańa adamdarǵa kez kelgen daǵdarysty jeńýge jáne ulttyq egemendigimizdi nyǵaıtýǵa kúsh-qýat beredi dep senemin", dedi Darıǵa Nazarbaeva.
Ashylý barysynda Qazaqstan Respýblıkasynyń Aqparat jáne qoǵamdyq damý mınıstri Aıda Balaeva: "Qurmetti jobaǵa qatysýshylar! Koronavırýstyq pandemııa bizdiń josparlarymyzǵa birqatar túzetýler engizdi; sonymen birge onlaın rejıminde tıimdi jumys isteı alatyndyǵymyzdy jáne jumys jasaýymyz kerektigin kórsetti. Epıdemııa adamdardyń oılaý qabiletin, ómirge degen kózqarasyn ózgertip, barlyǵymyz da óz jumysymyzda jáne kúndelikti ómirde úlken jaýapkershilikti sezinetin boldyq", dep atap ótti.
Joba aıasynda, bir aıdyń ishinde jas qazaqstandyqtar óz bilimin arttyryp, bilikti jattyqtyrýshylardy, sarapshylardy jáne ózge de shaqyrylatyn qonaqtardy jobaǵa tarta otyryp, jańa kóshbasshylyq jáne ómirlik qarim-qabiletterge ıe bolady.
Joba aıasynda jastardyń ózekti máseleleri boıynsha áleýmettik dıalogty jandandyrý jáne áleýmettik seriktestik tetikterin ázirleý úshin, ortalyq memlekettik organdar basshylyǵynyń qatysýymen, jastar pikirtalastary josparlanǵan.
Jumys bes negizgi baǵyt boıynsha júzege asyrylady: azamattyq belsendilik, eriktiler, aqparattyq tehnologııalar, jastar kásipkerligi jáne jeke damý.
Joba onlaın-formatta júzege asyrylatyndyqtan oǵan elimizdiń túkpir-túkpirinen jastar ókilderi qatysa alady.
