Bul týraly búgin óziniń Facebook paraqshasynda QR Prezıdentiniń baspasóz hatshysy Berik Ýálı jazdy.
Keńes Reseı Federasııasynyń tóraǵalyǵymen ótedi. Sammıttiń kún tártibinde koronavırýs pandemııasynyń álemniń saıası jáne áleýmettik-ekonomıkalyq damýyna tıgizgen keri áseri kezinde Uıym aıasyndaǵy yntymaqtastyqty odan ári nyǵaıtýdyń basym baǵyttary qarastyrylady dep josparlanyp otyr. ShYU elderiniń basshylary halyqaralyq jáne aımaqtyq deńgeıdegi ózekti máseleler boıynsha pikir almasady.
«Sonymen qatar jıynda BUU Bas hatshysy Antonıý Gýterresh beıne úndeý jasaıdy. Kezdesý qorytyndysy boıynsha Máskeý deklarasııasy jáne basqa da birqatar qujat qabyldanady dep josparlanǵan», delingen habarlamada.
