Oblysta 3 jyljymaly medısınalyq keshen jumys isteıdi. Indýstrııa jáne ınfraqurylymdyq damý mınıstrliginiń Indýstrııalyq damý jáne ónerkásiptik qaýipsizdik komıteti bizdiń oblys, sonyń ishinde Qorǵaljyn, Zerendi, Jarqaıyń, Esil, Ereımentaý, Astrahan, Arshaly, Aqkól aýdandary úshin óz elimizde óndirilgen 8 jyljymaly medısınalyq keshendi satyp alýdy júzege asyrǵan bolatyn. Saltanatty jıynda oblys ákimi aýdandyq aýrýhanalardyń bas dárigerlerine atalmysh jyljymaly keshenderdiń kiltterin tapsyrdy.
Oblysqa qarjylyq lızıng boıynsha sanıtarlyq avıasııa jáne jedel járdem qyzmeti úshin 58 sanıtarlyq kólik jetkizý kózdelgen. Onyń 30-y Hyundai H350, 25-i JAC Sunray, 3-eýi ÝAZ Profı kólikteri. Búgingi tańda osy kólikterdiń jartysynan astamy kelip jetti. Barlyq kólikter turǵyndarǵa kómek kórsetýge arnalǵan qajetti medısınalyq quraldarmen jabdyqtalǵan. Oblystyq jedel járdem stansııasyna reanımobılder, oblystyq polısııa departamenti men Kókshetaý qalalyq polısııa basqarmasyna patrýldik avtokólikter, oblystyq tótenshe jaǵdaılar departamentine órt sóndirýge arnalǵan tehnıkalar tabys etildi.
– Barlyq materıaldyq jáne adamı resýrstar indetpen kúresýge baǵyttalǵan. Aýrýdy odan ári taratpaý úshin elimizde barlyq qajetti sharalar qabyldanýda. Koronavırýspen kúres máselesi – el Prezıdenti Qasym-Jomart Toqaevtyń jiti baqylaýynda. Sońǵy kúnderi elimizde ınfeksııa juqtyrǵandar sany ósip jatyr. Bizdiń oblys – epıdemııalyq ahýaly kúrdeli tórt aımaqtyń qatarynda, – dedi oblys ákimi Ermek Marjyqpaev.
Jaman tumaýdyń alǵashqy legi jan alqymnan alǵan kezde adal eńbegimen kóringen birqatar sala mamandaryna «Halyq alǵysy» medali tabys etildi.
Taǵy bir mańyzdy oqıǵa Kókshetaýda 200 oryndyq juqpaly aýrýlar ortalyǵynyń ashylýy ekeni sózsiz. Úkimettiń qoldaýymen nebári az ýaqyttyń ishinde boı kótergen bul ortalyqta pandemııa kezinde, odan keıin de juqpaly aýrýlarǵa shaldyqqan naýqastardyń sapaly, joǵary bilikti medısınalyq kómek alýyna qajetti jaǵdaılardyń barlyǵy jasalǵan. Ortalyqtyń uıymdastyrýshylyq qurylymynyń ózindik erekshelikteri bar. Munda juqpaly aýrýlarǵa shaldyqqan naýqastar tolyq oqshaýlanyp, indettiń taralmaýy úshin barlyq jaǵdaı qarastyrylǵan. Jeldetý, súzgileý júıesi vırýstyń naýqastan ózgege juqpaýyn qamtamasyz etedi. Ortalyq kompıýterlik tomograf, sıfrlyq rentgen, О́JJ apparattary sekildi zamanaýı quraldarmen jabdyqtalǵan. Ár kereýet ottegi stansasyna qosylǵan. О́tken jaz aılarynda indettiń órship ketip, ólim-jitimniń oryn alýynyń negizgi sebebi osyndaı jabdyqtardyń bolmaýynan edi. Búginde oblystyń medısınalyq uıymdarynda 425 О́JJ apparaty, shamamen 600 ottegi konsentratory, 32 rentgen apparaty, 9 kompıýterlik tomografııa bar.
Ashylý saltanatynda sóz sóılegen Kókshetaý qalasynyń qurmetti azamaty, medısına salasynyń ardageri Bolat Janádilov pen jazýshy-dramatýrg, qoǵam qaıratkeri Jabal Erǵalıevtiń lebizderinde elge jasalyp jatqan qamqorlyqqa halyqtyń razy ekeni aıtyldy.
Ortalyq 8 korpýstan turady. Munda 180 tósektik oryn táýliktik emdelýge arnalǵan jáne 20 tósektik oryn qarqyndy terapııa bólimshesi bolyp tabylady. Bir palata eki naýqasqa laıyqtalǵan. Ishinde jýynatyn oryn, aýyz sýy bar. Reanımasııalyq bólimshe beınekameramen baqylanyp otyrady.
Jaqsylyq jaýǵan osy kúni oblystyq kópbeıindi aýrýhanada magnıtti-rezonansty tomografııa kabıneti ashyldy. Signa Creator apparatyn satyp alýǵa jergilikti bıýdjetten bólingen 568 mln teńge bólingen. Aýrýhananyń bas dárigeri Nurlan Jarovtyń aıtýynsha, bul tomografııa apparaty «gelıdiń nóldik býǵa aınalýy» tehnologııasynyń arqasynda qıyn jaǵdaıda da aýrýdyń naqty kórinisin bilýge múmkindik beredi. Eń bastysy, mindetti áleýmettik medısınalyq saqtandyrý júıesi aıasynda MRT zertteýi tegin júrgiziledi. Ol úshin turǵyndar óz ýchaskelerinen joldama alýy qajet. Medısınalyq saqtandyrý jarnasyn aýdarmaıtyn tulǵalar dıagnostıkany aqyly óte alady.
Kókshetaý
