Qaýlynyń mátini Densaýlyq saqtaý mınıstrliginiń sanıtarlyq-epıdemııalyq baqylaý komıtetiniń resmı saıtynda jarııalandy.
Qaýlyǵa sáıkes temirjol, teńiz jáne ózen kóligindegi tasymaldaý qyzmetimen baılanysty adamdardy qospaǵanda, barlyq kelgen adam Qazaqstan Respýblıkasynyń Memlekettik shekarasyn kesip ótken kezde nátıjesi berilgen kúnnen bastap 3 táýlikten aspaıtyn ýaqyt ótken PTR ádisimen COVID-19-ǵa testiniń teris nátıjesi bar anyqtamany usynýǵa mindetti.
Qazaqstan Respýblıkasy aýmaǵy arqyly tranzıtpen ótetin halyqaralyq júk tasymaldaryn júzege asyratyn júrgizýshiler mindetti túde sáıkes termometrııadan jáne saýalnamadan ótetini aıtylady.
"Kelgen Qazaqstan Respýblıkasynyń azamattary anyqtama bolmaǵan jaǵdaıda PTR ádisimen COVID-19-ǵa zerthanalyq zerttep-qaraý úshin 3 táýlikke deıin karantındik stasıonarǵa oqshaýlaýǵa jatady. COVID-19-ǵa zerthanalyq zerttep-qaraýǵa materıal alýdy medısınalyq-sanıtarııalyq alǵashqy kómek mamany júzege asyrady. COVID-19-ǵa zerthanalyq zerttep-qaraý nátıjelerin alǵannan keıin teris nátıjemen kelgen adamdarǵa osy qaýlyǵa 4-qosymshaǵa sáıkes tıisti qolhat alyna otyryp, COVID-19-dyń yqtımal sımptomdary týraly túsindirý júrgiziledi. COVID-19-ǵa zerthanalyq zerttep-qaraýdyń oń nátıjesimen kelgen adamdar ınfeksııalyq stasıonarǵa jatqyzylady", delingen qaýlyda.
Eske sala keteıik, qaýly 10 qarasha saǵat 00:00-de kúshine enedi.
