7 qarasha kúni saǵat 19:00-de Qyzylorda qalasynyń Polısııa basqarmasyna qala turǵyny habarlasyp, 2005 jyly týǵan qyzynyń týystaryna baryp, ári qaraı týystarynyń úıinen belgisiz baǵytqa shyǵyp ketip, qaıtyp oralmaǵandyǵy týraly aryzdanǵan.
Joǵalǵan qyzdy izdestirý úshin ýchaskelik polısııa ınspektorlary men krımınaldyq polısııa qyzmetkerlerinen mobıldi top quryldy, sondaı-aq polısııanyń qosymsha kúshteri tartyldy.
Izdestirý is-sharalarynyń nátıjesinde 7 qarasha kúni kámeletke tolmaǵan boıjetkenniń О́skemen baǵytyndaǵy poıyzda ekeni anyqtaldy.
Oqıǵanyń mán-jaıyn anyqtaý barysynda qyzdyń ata-anasyna eskertpeı, poıyzben О́skemen qalasyna baryp, dosymen kezdespek bolǵany belgili boldy.
Qazir jasóspirimniń ata-anasy qyzyn qaıtarý úshin О́skemen qalasyna attandy.
