8 qarasha kúni Jezqazǵan qalalyq Polısııa basqarmasynyń patrýldik polısııa rotasynyń qyzmetkerleri temirjol ótkelderiniń mańynda is-qımyldary kúdik týdyrǵan eki azamatty baıqaǵan.
Atalǵan azamattar polısııa qyzmetkerlerin kóre salysymen oqıǵa ornynan qashpaqshy bolǵan. Alaıda polısııa qyzmetkerleri kúdik týdyrǵan azamattardy ustap, Polısııa basqarmasyna jetkizgen.
Mán-jaıdy anyqtaý barysynda olardyń temirjol relsterin urlap, metall qabyldaý ornyna ótkizbekshi bolǵany belgili boldy. Urlyq jasaýǵa oqtalý boıynsha qylmystyq is qozǵalyp, tergeý amaldary júrgizilýde.
