Densaýlyq saqtaý mınıstrliginiń habarlamasynda, ázirleýshilerdiń aqparaty boıynsha vaksına eki komponentti ekendigi atap kórsetilgen: birinshi ıneksııadan keıin úsh apta ótken soń adam ekinshisin alady.
"Adam ekinshi vaksınasııadan keıin úsh apta ótken soń vaksınasııalanǵan jáne sáıkesinshe koronavırýstyq ınfeksııadan qorǵalǵan bolyp sanalady. О́ıtkeni osy ýaqyt aralyǵynda ımmýnıtetti qalyptastyrý prosesi júredi. Vaksınasııalanǵan naýqas dárigerlerdiń ımmýnıteti COVID-19 qozdyrýshysymen kezdeskenge deıin qalyptasyp úlgermegen shyǵar. Tek osy jaǵdaı dárigerlerdiń ınfeksııasyn týdyrýy múmkin",dep túsindirdi jaýapty mamandar.
Esterińizge sala keteıik, Reseıdiń Densaýlyq saqtaý mınıstrligi tamyz aıynda Gamaleıanyń elektrohımııa ǵylymı-zertteý ortalyǵy jasaǵan jáne Reseıdiń tikeleı ınvestısııalar qorymen birlesip shyǵarǵan COVID-19 aldyn alýǵa arnalǵan álemdegi alǵashqy vaksınany tirkegen edi.
Ol "Sputnik V" dep ataldy. Vaksına úsh aptalyq aralyqpen preparattyń eki komponentin engizý arqyly qabyldanady.
