Josparǵa sáıkes jyl sońynda el ıgiligine beriledi.Shymkent qalasynda Maıatas jáne Toǵys turǵyn alaptaryndaǵy "Badam" ózeniniń ústinen ótetin kópirlerdiń qurylysy qyzý júrýde. Josparǵa sáıkes jyl sońynda el ıgiligine beriledi.
Eńbekshi aýdanynyń ákimi Ǵalymjan Ilıasov aqparattyq-kommýnıkasııalyq ortalyqta ótken brıfıngte aýdandaǵy 10 aıda atqarylǵan jumystar jóninde baıandady.
- Bıyl Lenger tas jolyndaǵy "Saıram sý" ózeniniń ústinen ótetin kópirge jáne Qarabastaý turǵyn alabyndaǵy "Badam" ózeniniń ústindegi kópirge qaıta qurý jumystary júrgizilip, paıdalanýǵa berildi. Odan bólek, Eltaı turǵyn alabyndaǵy kópirge qaıta qurý jumystaryn merdiger "JBI-S" JShS-y júrgizip jatyr. Sondaı-aq bir avtojolǵa aǵymdaǵy jóndeý jumystaryn júrgizý barysynda "TES-3" mekemesiniń janyndaǵy Saıram sý ózenindegi kópirge "Álem Trans jol" JShS-y jóndeý jumystaryn júrgizdi, dedi Ǵalymjan Ilıasov.
Sonymen qatar, aýdanda mamandar osy jyly 10 aıda 72 aýla aralyq baspaldaqtardyń jaı-kúıine monıtorıng júrgizgen. Olar jóndeýden ótken 23 baspaldaqtyń jaǵdaıy qanaǵattanarlyq ekenin anyqtap, tozyǵy jetken 8 baspaldaqty qaıta qurýǵa aqaý aktisi men smetalyq esepter ázirlep, jańadan ornatý jumystaryn júrgizgen. Qalǵan tozyǵy jetken 41 baspaldaqty qaıta qurý jumystary 2021-2023 jyldarǵa josparlandy.
