Bıyl ustaz "Úzdik pedagog – 2020" konkýrsynyń respýblıkalyq kezeńinde jeńiske jetken jáne 2,7 mıllıon teńge aqshalaı syılyqpen marapattalǵan. Alaıda ol Atyraý oblysynyń jergilikti atqarýshy organdary oblystyq kezeńdegi jeńisi úshin taǵaıyndaǵan 300 AEK kólemindegi syıaqysyn bermedi dep shaǵymdanyp otyr. Al onyń áriptesteri mundaı syıaqyny alyp qoıǵan.
"Men "Úzdik pedagog – 2020" konkýrsynyń oblystyq kezeńinde jeńiske jetkenimde Atyraýdyń bir mektebinde jumys isteıtin edim. 2 qazanda meni Atyraý oblysynyń ókili retinde marapattady, alaıda jergilikti atqarýshy bılik berilýi kerek somany bergen joq. Al qalǵan áriptesterim 5 qazanda bul syılyqty alyp qoıdy", dep jazady A.Qazbekov.
"Jergilikti atqarýshy organdar muǵalimderge 300 aılyq esepten kem emes kólemde aqshalaı syıaqy berip, qosymsha yntalandyrýǵa quqyly. Biraq ony berý-bermeýdi óz betinshe sheshedi. Onyń ústine ol 1 qyrkúıekte basqa qalaǵa kóship ketti. Iаǵnı 5 qazanda biz basqa muǵalimderdi marapattaǵanda ol bizdiń mektepte jumys istegen joq", deıdi aımaqtyq Bilim basqarmasynyń ókili.
Atalǵan shaǵymdy Sybaılas jemqorlyqqa qarsy is-qımyl agenttiginiń basshylyǵy baqylaýǵa aldy.
"Bul shaǵym Atyraý oblysynyń Bilim basqarmasyna qaraý jáne shara qabyldaý úshin joldandy", dep jaýap berdi vedomstvodaǵylar.
