Alı Rıza Akynjy osy is-sharanyń Shymkent qalasynda uıymdastyrylǵanyna alǵysyn bildirip, eki el arasyndaǵy yntymaqtastyq odan ári qaraı órkendeı berýine tilektestigin jetkizdi.
– Eki eldiń dostastyǵynyń nyǵaıýyna qosqan úlesińiz úshin alǵys aıtamyn. Yntymaqtastyǵymyz arta bersin, dedi Túrkııa konsýly.
Qala ákimi Shymkent qalasynda jylyna mıllıonǵa jýyq aǵash kóshetteri egiletinin jáne baýyrlas eldegi ataýly kún bizdiń elde kórinis tapqanyn qýanyshpen jetkizip, túrik kásipkerlerin qaladaǵy iri jobalarǵa belsendi qatysýǵa shaqyrdy.
– Ejelden jalǵasqan baýyrlastyq dıplomatııa, ekonomıka, sport, óner sekildi barlyq salada da jalǵasyn tabýda. Túrik elindegi "Ulttyq aǵash egý" dástúri bizdiń elde kórinis tapqanyna óte qýanyshtymyz. Atalarymyz "júz jyldyǵyn oılaǵan halyq aǵash egedi" degen eken.
Búgingi is-shara túrik eliniń bizge degen iltıpaty dep bilemin. Túrkııalyq kásipkerlerdi "Eski qalashyqqa" týrızmdi damytý boıynsha ınvestısııa salýdy usynamyn. Búgingi otyrǵyzǵan aǵashtar eki eldiń barlyq salasyndaǵy yntymaǵynyń nyshanyna aınalsyn, dedi Murat Dúısenbekuly.
Aıta keteıik, osy aksııa aıasynda Shymkent qalasynyń 2200 jyldyǵyna oraı 2200 túp aǵash kósheti otyrǵyzylady.
