Elbasy • 11 Qarasha, 2020

Ultaralyq tatýlyq bizdiń basty baılyǵymyz

219 ret kórsetildi

Tuńǵysh Prezıdent – Elbasy, Qazaqstan halqy Assambleıasynyń Tóraǵasy Nursultan Nazarbaevtyń qatysýymen QHA keńesiniń kezekti otyrysy ótip jatyr, dep habarlaıdy Egemen.kz

"Qıyn jaǵdaıǵa baılanysty keńes otyrysyn beınebaılanys túrinde ótkizip otyrmyz. Bul jıynymyz Qazaqstan halqy Assambleıasynyń 25 jyldyq mereıtoıyna arnalady. Barshańyzdy osy merekemen quttyqtaımyn. Mereıtoılyq meje ótkenge kóz júgirtip, atqarylǵan jumysty qorytyndylaýǵa sebep bolyp otyr. Assambleıanyń qandaı qıyn ýaqytta qurylǵanyn bárimiz bilemiz. Burynǵy KSRO-nyń ydyraýy, Táýelsiz memleketter dostastyǵynyń qalyptasýy, tarıhı shıelenisti, erteńgi ómirge degen senimsizdik zamanynda quryldy. Biraq, biz dál sol kezde ózimiz úshin bir nárseni qabyldadyq. Ultaralyq tatýlyq bizdiń basty baılyǵymyz bolýy kerek", dedi keńes otyrysyn ashqan Elbasy.

Memleket basshysy 1992 jyldyń 14 jeltoqsanda ótken Qazaqstan halyqaralyq forýmynda jurtymyzdyń kelisimi men birligine negizdelgen Assambleıa qurý jóninde bastama kótergenin eske salyp ótti.

"1995 jyly 1 naýryzda Qazaqstan halqy Assambleıasyn qurý týraly Jarlyqqa qol qoıyldy", deıdi Elbasy.

Alqaly otyrysqa Memleket basshysy Qasym-Jomart Toqaev, keńes músheleri, ortalyq memlekettik jáne jergilikti atqarýshy organdardyń basshylary, Parlament depýtattary, etnobirlestikterdiń tóraǵalary qatysyp jatyr.

 

 

Uqsas jańalyqtar