Kókshetaý «sary aımaq» sanatynda

Oblysymyzda sońǵy táý­lik­terde koronavırýs inde­tiniń kóptep tirkelýine baılanysty bas sanıtarlyq dárigerdiń jańa qaýlysy kúshine enedi. Soǵan sáıkes oblys ortalyǵynyń perımetri boıynsha orna­tyl­ǵan sanıtarlyq beketterde baqy­laý kúsheıtiledi.

– О́kinishke qaraı, oblysymyzda epıdemııalyq jaǵdaı ýshyǵa túsýde. Koronavırýstyń zerthanalyq rastalǵan de­rek­teri kóbeıýde. Kókshetaý, Stepnogor qalalary men Bir­jansal, Býrabaı aýdandary – naýqastardyń tirkelýi bo­ıynsha aldyńǵy qatarda. О́tken aptada ósim 1,6 eseni qurady. Al ótken úsh aptada indet juqtyrǵandar sany 3 esege ósti, – deıdi oblystyq Taýarlar men kórsetiletin qyzmetterdiń sapasy men qaýipsizdigin baqy­laý departamentiniń basshysy Aınagúl Mýsına.

Osydan tórt kún buryn Aqmo­la oblysy «jasyl aımaq­ta» bolsa, qazirgi tańda «sary aımaqqa» enip otyr. Bul karantın sharalaryn jedel túrde kúsheıtý qajettigin bildiredi. Qarashanyń 7-sinde Kókshetaý qala­synyń aýmaǵynda sanı­tar­lyq beketter qoıylyp, qalaǵa kirip-shyqqan turǵyndar arasynda termometrııa, saýaldama júrgizilgen bolatyn.

Jańa qaýlyǵa sáıkes aýma­ǵy 500 sharshy metrden asatyn azyq-túlik emes dúken­der­diń, oıyn-saýyq, saýda oryndarynyń jumys ýaqyt­ta­ryna shekteý qoıy­la­dy. Olardyń jumys ýaqyty – 10.00-den 19.00-ge deıin, sen­bi kúni 10.00-den 17.00-ge deıin. Egde jastaǵy adamdar aýrýǵa beıim keletindikten, 65 jastan asqan turǵyndarǵa dalaǵa sebepsiz shyǵýǵa shekteý qoıyldy. Úıge qonaq shaqyrýǵa, toı ótkizýge burynǵysha ruqsat etilmeıdi. О́kinishke qaraı halyq áli de tártipke kóndige almaı jatyr. О́tken demalys kúnderi reıd sharalary kezinde epıdemııalyq qyzmet pen tártip saqshylary «Arıstokrat» meıramhanasy men «Bal mahabbat» dámhanasynda ótip jatqan toıdyń ústinen túsken. Atalǵan oıyn-saýyq oryndarynyń ıelerine Ákimshilik quqyq buzýshylyq týraly kodekstiń 425-baby boıynsha shara qol­da­nylady.

Elimizde koronavırýstan qaıtys bolǵandardyń deregin salystyrsaq, oblys aldyńǵy qatarda. Indet bastalǵaly 77 aq­molalyq jaman tumaýdan kóz jumǵan.

Kókshetaý