Qoǵam • 12 Qarasha, 2020

Memlekettik baǵdarlamalar boıynsha páter alyp beremin degen alaıaq ustaldy

145 ret kórsetildi

Almaty qalasynda kezekti alaıaq ustaldy. Ol árbir jábirlenýshiden 750 myń teńgege jýyq aqsha qarajatyn qoldy etken, dep habarlaıdy Egemen.kz

29 jastaǵy jigit óziniń tanystaryna baspana máselesin tez sheshe alatyndyǵy týraly aıtqan. О́ziniń qyzmeti úshin shamamen 1 500 AQSh dollaryn talap etken. Qazirgi ýaqytta oǵan 20 qylmystyq epızod boıynsha aıyp taǵylyp otyr.

– Kúdikti azamat ózin ıpotekalyq uıymdardyń biriniń qyzmetkeri retinde kórsete otyryp, óziniń qurbandaryna páter alyp bere alamyn nemese memlekettik baǵdarlamalar boıynsha baspana alý kezegin jedeldetemin dep sendirgen. Kórsetken qyzmeti úshin ol 750 myń teńgege jýyq aqshalaı syıaqy talap etken. Ol "qyzmettiń kúrdeliligine" baılanysty árkimnen ártúrli somalar alǵan. Alaıaq qylmystyq jolmen tabylǵan aqsha qarajattaryn óz paıdasyna jaratqan. Qazirgi tańda kúdikti ýaqytsha ustaý ızolıatoryna qamaldy. Oǵan qatysty QR QK-niń 190-babymen (Alaıaqtyq) boıynsha sotqa deıingi tergeý áreketteri júrgizilýde. Osy adamnyń qylmystyq is-áreketterinen zardap shekken azamattarǵa 254-48-02, 254-48-09 nómirleri boıynsha habarlasýyn suraımyz, – dedi Medeý aýdandyq Polısııa basqarmasynyń bastyǵy Dáýren О́tebaev.

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar