2020 jyldyń 9 aıynda aýdanda «Asyl tuqymdy mal sharýashylyǵyn damytýdy, mal sharýashylyǵynyń ónimdiligi men ónim sapasyn arttyrýdy sýbsıdııalaý» baǵdarlamasy boıynsha 167 956 mln teńge sýbsıdııa berilgen. Atap aıqanda, mal bordaqylaý úshin – 25,9 mln, sút óndirý, iri qara maldy seleksııalyq jáne asyldandyrý jumystaryna – 67,5 mln, qus sharýashylyǵyna – 23,7 mln, bal ara sharýashylyǵyna – 44,7 mln teńge sýbsıdııa berildi.
Qala ákimi M. Áıtenov aýdanda aýylsharýashylyǵy klasterin damytý, turǵyndardy óz-ózin jumyspen qamtý boıynsha naqty tapsyrmalar berdi.
– Aýdanda iri qara mal, jylqy sany artyp, et-sút ónimderi kóbeıgen. О́z-ózin jumyspen qamtýdyń óskenin kórip otyrmyz. Búgin aýdandy aralaý barysynda Asar - 1, Asar - 2 shaǵynaýdandarynda jylyjaı salyp, óz-ózin jumyspen qamtyǵan qala turǵyndarynyń kásibin aralap kórdik. Buny ári qaraı damytý qajet. Aýdan ákimderiniń aldynda turǵan birinshi basty maqsat – azamattardy jumyspen qamtý. Qalada aýylsharýashylyǵy salasyna mamandanǵan shaǵynaýdandardy kóbeıtip, jumyssyzdyq máselesin sheshýge bolady. Bizde mal sharýashylyǵyn klaster retinde damytýǵa barlyq múmkindik bar. Infraqurylymy bar shalǵaıdaǵy eldimekenderde turǵyndardy mal sharýashylyǵy kásibine úıretetin semınar-trenıng ótkizýdi qolǵa alaıyq. Aýdan ákimderine, aýyl sharýashylyǵy jáne veterınarııa, kásipkerlik jáne ındýstrıaldy-ınnovasııalyq damý basqarmasy basshylaryna osyny júzege asyrýdy tapsyramyn. Qalany otandyq mal etimen, qus etimen qamtamasyz etý kerek. Ári eksport áleýetin damytýǵa múmkindik bar, dedi Murat Dúısenbekuly.
