Bilim berý, ǵylym jáne mádenıet máseleleri boıynsha Birikken Ulttar Uıymy pedagogtardy kásibı oqytý salasyndaǵy jetistikteri úshin tabystalatyn bedeldi UNESCO Hamdan 2019-2020 halyqaralyq syılyǵynyń nátıjelerin jarııalady.
Pedagogıkalyq sheberlik ortalyǵy muǵalimderdiń jumysynyń tıimdiligi men nátıjeliligin kóterýdegi baǵa jetpes tájirıbeleri men jetistikteri úshin UNESCO syılyǵynyń úzdik 10 fınalısteri qataryna endi. PShO úzdik akademııalyq jetistikteri men muǵalimderdiń kásibı damýyndaǵy qundy tájirıbe úshin alǵys sertıfıkatyna ıe boldy.
Bedeldi halyqaralyq syılyqtyń fınalısterin halyqaralyq qazylar alqasynyń usynymdary men baǵalaýy negizinde UNESCO Bas dırektory Odre Azýle irikteýden ótkizdi. Qazylar alqasynyń quramyna pedagogıka salasynda biregeı bilim men tájirıbege ıe álemniń túrli eliniń moıyndalǵan sarapshylary endi.
UNESCO Hamdan mıssııasy – álem muǵalimderiniń úzdik tájirıbelerine yqpaldasý. Atalǵan bedeldi syılyq 2008 jyly qurylǵan, ár eki jyl saıyn tabys etiledi. 2019-2020 jyldardaǵy baıqaýǵa oqytýdy jetildirý baǵytynda qyzmet etetin halyqaralyq jáne ulttyq 190 uıym qatysty.
UNESCO Hamdan syılyǵy Pedagogıkalyq sheberlik ortalyǵynyń halyqaralyq jetistikteriniń bútin bir toptamasyn jalǵastyrdy. Qazirgi tańda Ortalyq jasap shyǵarǵan biliktilikti arttyrýdyń 10 bilim berý baǵdarlamasy ACQUIN (Germanııa) akkredıtteý, sertıfıkattaý jáne sapany qamtamasyz etý Instıtýtynyń halyqaralyq sertıfıkattaýynan ótti.
Pedagogıkalyq sheberlik ortalyǵynyń halyqaralyq deńgeıde moıyndalýy "Nazarbaev Zııatkerlik mektepteri" derbes bilim berý uıymynyń yntymaqtastyq aıasyn keńeıtý úshin jańa múmkindikterge jol ashady.
