Búgingi tańda sanıtarlyq-karantındi postarda epıdemıologtar PTR-test anyqtamasynyń bar-joǵyn jiti tekserip jatyr.
"2020 jyldyń 13 qarashasynda Nur-Sultanǵa Dýbaıdan 129 jolaýshy ushyp keldi. Onyń ishinde 125 adam PTR-test anyqtamasy bolǵanymen, 4-i anyqtamasyz keldi. PTR-test anyqtamasy joq Qazaqstan azamattary tártip boıynsha tranzıtpen ishki reısterge otyrý úshin PTR-testen ótý úshin karantınge jatqyzyldy. 13 qarashada Nur-Sultan áýejaıyna Qazaqstan azamaty kelip, tranzıtpen Almatyǵa ushpaq bolǵan. PTR-analızden ótkeni týraly anyqtamany ótkizgen. Epıdemıologtar atalmysh anyqtamany tekserý barysynda qorytyndyda COVID-19 boıynsha oń (positive) nátıje dep kórsetip turǵanyn kórdi. Osylaısha koronavırýs juqtyrǵan áıel jolynan qalyp, elordadaǵy karantındik stasıonarǵa jatqyzyldy", dedi Sádýaqas Baıǵabylov.
Koronavırýs juqtyrǵan áıel Dýbaıdan ushyp kelgen soń 20 mınýttan keıin Almatyǵa baǵyt alǵan ushaqqa otyrmaq bolǵan. Alaıda epıdemıolog jolaýshyǵa sapardy jalǵastyrýǵa ruqsat bermeı, ishki reısterdegi jolaýshylardyń aýrý juqtyrý qaýpine tosqaýyl qoıǵan.
Qazirgi tańda halyqaralyq áýe reısterimen Qazaqstanǵa koronavırýs juqtyryp ákelýdiń 54 jaǵdaıy tirkelgen. Atap aıtqanda Nur-Sultanǵa koronavırýs juqtyrǵan 12, Almatyǵa 40, Shymkentke 2 adam shetelden ushyp kelgen.
