О́ńirlik kommýnıkasııalar qyzmetinde ótken brıfıngte aýdan ákimi Nurlan Baıǵut búginde jumys istep jatqan 32 kásiporyn 10 mlrd 321 mln teńgeniń ónimin óndirgenin atap ótti. Áleýmettik jumys oryndaryn uıymdastyrý boıynsha aýdan kólemindegi 16 jumys berýshi mekemelerimen kelisim-shart túzilip, 154 azamat joldanǵan.
"Bıyl aýdanda jalpy 54 kóshe tolyǵymen jóndeýden ótip, el ıgiligine paıdalanýǵa berilip otyr. Sonyń ishinde Sastóbe jáne Túlkibas kentindegi 30 kóshe "Aýyl-El besigi" baǵdarlamasy aıasynda jóndelgen. Ishki kóshelerdiń qanaǵattandyrarlyq jaǵdaıy 80 paıyzdan asyp otyr. Sondaı-aq, túngi jaryqtandyrýdy birinshi kezekte qajet etetin 15-ke jýyq kóshege zamanaýı jaryq shamdar ornatyldy. "Qamqorlyq" jobasyna qatysýshy 93 otbasyna 215 mln teńgeden astam qarjyǵa túrli kómek kórsetildi. Aýdan ákimdiginiń uıytqy bolýymen 21 otbasy baspanaǵa qol jetkizgen. Sonyń ishinde 6 otbasyna demeýshiler esebinen turǵyn úı berilse, 15 otbasyna memlekettik baǵdarlamamen páter kilti tabystaldy. Sondaı-aq, 9 otbasynyń turǵyn úıi demeýshiler esebinen jóndeýden ótti", dedi Nurlan Marhabatuly.
Aýdanda mal sharýashylyǵynda bıyl 10-15 basqa arnalǵan 76 shaǵyn mal bordaqylaý alańdary, 5-10 bastyq 24 otbasylyq sút fermasy qurylǵan. Sonymen qatar, Keltemashat aýyldyq okrýginde "Aqbıik Agro" AО́K syıymdylyǵy 600 bas túıetaýyq ósiretin ferma ashylyp, jumys isteýde. Alma baǵy sharýashylyǵyn damytýdyń 2021-2025 jyldarǵa arnalǵan damý konsepsııasyna sáıkes, qosymsha alma baý kólemin 760 gektarǵa ulǵaıtyp, barlyǵy 3355 gektar aýmaqqa jetken. Aǵymdaǵy jyly 30 300 tonna jemis-jıdek jınaldy. Aýdanda 33 týrıstik nysan jumys isteıdi. Jyl basynan beri 2017 týrıst kelgen.
